Sansar News
काठमाडौं । नेकपा एमाले प्रतिनिधि सभा चुनावका लागि दल दर्ताको निवेदन बुझाउन आज निर्वाचन आयोग जाँदैछ। एमाले निर्वाचन विभाग प्रमुख निरज आचार्यका अनुसार आजै आयोगमा पुगेर दल दर्ताका लागि आवश्यक निवेदन पेश गरिनेछ।
एमालेले यसअघि राष्ट्रिय सभा चुनावका लागि दल दर्ता गरिसकेको भए पनि प्रतिनिधि सभा निर्वाचनका लागि भने दल दर्ता प्रक्रिया पूरा गरेको थिएन।
निर्वाचन आयोगले प्रतिनिधि सभा चुनावका लागि दल दर्ताको समय सीमा बुधबारसम्मका लागि निर्धारण गरेको छ। उक्त समयसीमा भित्र एमालेले दल दर्ता प्रक्रिया सम्पन्न गर्ने जनाएको छ।
वि.सं.२०८२ मंसिर ९ मंगलवार ११:४७ मा प्रकाशित
