हामी सबैकाे संसारन्यूज

भक्तपुर । “भीम कुमारी स्मृति बुढ्यौली साहित्य सम्मान“ २०८२ वरिष्ठ साहित्यकार नरनाथ लुइँटेलज्यूलाई प्रदान गरिएको छ ।

साउन १६ गते शनिवारका दिन भक्तपुर बुढ्यौली साहित्य समाजद्धारा अक्सफोर्ड प्राक्टिकल स्कुल सल्लाघारी भक्तपुरमा आयोजित कार्यक्रममा वरिष्ठ साहित्यकार चट्याङ मास्टरद्वारा आमाको नाममा स्थापना गरिएको उक्त पुरस्कार लुइँटेललाई प्रदान गरिएको हो ।

समाजका उपाध्यक्ष दीनानाथ पोख्रेलको सभापतित्व, प्रा.डा मुकेशकुमार चालिसेको प्रमुख आतिथ्य साथै चट्याङ मास्टर तथा आर. सी रिजाल विशिष्ट अतिथि रहनुभएको कार्यक्रमको सञ्चालन समाजकी कोषाध्यक्ष वसन्ती भुजेलले गरेकी थिइन् । समाजका सदस्य रामशरण न्यौपानेबाट कविताबाटै स्वागत र सदस्य जुनू घिमिरेले खादाद्वारा स्वागत गरिएको थियो ।

समाजका अध्यक्ष कविराज घिमिरेबाट स्रष्टा चिनारी र सम्मानपत्र पढेर सुनाइयो । त्यसपछि प्रमुख अतिथिबाट दोसल्ला ओढाएर सम्मानपत्र साथै चट्याङ मास्टरबाट नगद रु २५,००० ।– प्रदान गरिएको थियो । लगत्तै सम्मानित व्यक्तित्वबाट आफूले अपेक्षा नराखेको विषयमा यसरी सम्मानित र पुरस्कृत हुन पाउँदा हर्ष लागेको बताउँदै संस्था र दातालाई धन्यवाद व्यक्त गरे । चट्याङ मास्टरद्वारा संस्थाले सही व्यक्तिको पहिचान गरी पुरस्कार अर्पण गरेकोमा खुसी व्यक्त गरे ।

आर .सी रिजालबाट पुरस्कृत व्यक्तित्वको बारेमा परिचर्चा गरिएको थियो ।

त्यसपछि भक्तपुर बुढ्यौली साहित्य समाज र अनुशीलन नेपालको ३१ औँ संयुक्त रचनावाचन कार्यक्रम प्रारम्भ भयो जसअनुसार – केशवराज खनाल, राजेन्द्रकुमार बज्राचार्य, चेवन बस्नेत, कृष्णप्रसाद पौडेल, शिखनाथ ढकाल शिखरनाथ बेलकोटे कवि, श्याम माकजू, पदम दाहाल, विद्या अनामिका तिवारी, ठाकुरप्रसाद अधिकारी, मुकुन्दप्रसाव ढकाल, जुनू घिमिरे, धरणी धनञ्जय , उमा दाहाल, श्रीबहादुर के.सी, प्रमुना पौडेल, दुर्गा घिमिरे, एम.पी पाण्डे र कविराज घिमिरे लगायतले रचना वाचन गरेका थिए ।