Sansar News
काठमाडौँ । वैदेशिक रोजगारीमा पाठाईदिन्छु भन्दै ठगी गर्ने दुई जनालाई आइतबार प्रहरीले पक्राउ गरेको छ ।
वैदेशिक रोजगारीमा अल्बानिया र क्रोएसिया पठाइदिन्छु भन्दै १९ लाख ७० हजार ठगी गरेका हुन् ।
पक्राउ पर्नेहरूमा काठमाडौँ बुढानिलकण्ठ नगरपालिका(३ बस्ने झापा दमक नगरपालिका(३ घर भएका ३० वर्षीय प्रवेश पोखरेल र काठमाडौँ कागेश्वरी मनोहरा नगरपालिका(९ बस्ने काभ्रेपलाञ्चोक मण्डनदेउपुर नगरपलिका(९ घर भएका ४५ वर्षीय ईश्वर राना रहेका छन् ।
पक्राउ मध्ये प्रवेशले अल्बानिया पठाइदिन्छु भन्दै १ जना पीडितबाट ८ लाख ७० हजार रूपैयाँ र ईश्वरले क्रोएसिया पठाइदिन्छु भन्दै १ जना पीडतबाट ११ लाख रूपैयाँ लिई सम्पर्कविहीन भएको भन्ने पीडितहरूको उजुरीको आधारमा पक्राउ गरेका हो ।
उनीहरुलाई काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले प्रवेशलाई काठमाडौं महानगरपालिका(२६ बाट
र ईश्वरलाई काठमाडौं महानगरपालिका(९ बाट पक्राउ गरेको हो ।
उनीहरूलाई आवश्यक अनुसन्धान तथा कारवाहीको लागि वैदेशिक रोजगार विभागताहाचल काठमाडौँ पठाइएको छ ।
वि.सं.२०८२ मंसिर १६ मंगलवार १५:१७ मा प्रकाशित
