हामी सबैकाे संसारन्यूज

काठमाडौँ । एनआई सी एशिया बैंक लिमिटेडका ग्राहकले आईएमई हस्पिटालिटी प्रा. लि.मा विभिन्न सेवाहरूमा विशेष छुट पाउने भएका छन्
बैंकका अनुसार ग्राहकहरुलाई मध्येनजर गर्दै बैंक र आईएमई हस्पिटालिटी बीच समझदारी पत्रमा हस्ताक्षर भएको हो ।
उक्त समझदारी पत्रमा बैंकको तर्फबाट डिजिटल एण्ड ट्रान्जेक्सन बैंकिङ्ग प्रमुख विमल लम्साल र आईएमई हस्पिटालिटीको तर्फबाट प्रमुखकार्यकारी अधिकृत प्रसन्न अधिकारी ज्यूले हस्ताक्षर गरेका हुन् ।
यस बैंकको डेबिट वा क्रेडिट कार्ड प्रयोगकर्ताहरुले हस्पिटालिटी अन्तर्गतका विभिन्न होटल, रेष्टुरेन्ट तथा केबलकार सेवाहरूमा १० प्रतिशतको आकर्षक छुट उपलब्ध हुने समझदारी भएको छ । जसमा आईएमई हस्पिटालिटीले आफ्ना विभिन्न सेवाहरू जस्तै होटल ले हिमालय (लाजिम्पाट), इलाहोटल्स एण्ड रिसोट्र्स (मौलाकाली), इला कम्फर्ट (बाग्लुङ), द लेकसाइड रिसोर्ट (पोखरा), सेक एण्ड फेंग रेष्टुरेन्ट (लाजिम्पाट), मौलाकाली केबलकार र लुम्बिनी केबलकारमा१० प्रतिशतसम्मछुट उपयोग गर्न सक्नुहुनेछ ।
यस सुविधाको उपयोग गर्न ग्राहक महानुभावहरुले यस बैंकको डेबिट कार्ड वा क्रेडिट कार्ड प्रयोग गरी भुक्तानी गर्नुपर्ने छ । उक्त होटलसँगको यस सहकार्यले ग्राहक महानु भावहरुलाई छुट उपलब्ध हुनुको साथै मुलुकको डिजिटल भुक्तानी सेवालाई प्रवद्र्धन गरी नगद रहित कारोबारमा सहयोग पुग्ने बैंकले विश्वास लिएको छ ।