हामी सबैकाे संसारन्यूज

कर्णाली प्रदेशको हिमाली जिल्ला हुम्लाको प्रतिनिधिसभा तर्फको प्रत्यक्ष निर्वाचनमा डा दीपेन्द्र रोकायको संभावना बलियो बनेको छ ।

नेपाली कम्युनिष्ट बन्नुपुर्व माओवादीको जिल्ला संयोजक रहेका रोकाय संसदीय राजनीतिका लागी नया अनुहार मानिन्छन् । हुम्लामा पुर्व समानुपातिक सांसद छिमी लामा, संविधानसभा सदस्य कर्णजीत बुढाथोकी, छिरीग डंगडुल लामा, हस्तबहादुर शाही लगायत नेपाली कम्युनिष्ट पार्टीका नेताहरुबिच प्रत्यक्ष र समानुपातिक उम्मेदवारको लागी अन्तिम सहमतिको प्रयास भईरहेको छ ।

हुम्लामा कांग्रेसका बलिया खम्बा जीवन बहादुर शाहीको सर्वोच्चमा मुद्धा रहेको कारण जयपति रोकाया र रिता शाहीको पनि चर्चा रहेको छ । एमालेबाट गोरख बोगटी,दल रावल, दल फडेरा र छक्क बहादुर लामा बिच आपसी प्रतिस्पर्धा रहेको देखिन्छ भने रास्वपाबाट महेन्द्र पाण्डे र राप्रपाबाट बिकास महत लगायतको नाम चर्चामा रहेको छ ।

जनयुद्धमा निकै कष्ट सहेका रोकाय पत्रकारीताको माध्यमबाट तिसौ बर्षदेखि हुम्लीहरुको बिचमा लोकप्रिय छन् । ‘नाफाको जिन्दगी’ र ‘कर्णालीको मर्म’ लगायतका धेरै पुस्तकहरुका लेखक उनी हुम्ली जनताका बिचमा स्थापित भईसकेका छन । संसदीय चुनावमा उनी नयाँ अनुहार मात्र होइनन्, कर्मशील आन्दोलनकारी तथा बौद्धिक र प्राज्ञिक ब्यक्तित्व पनि हुन् उनी । यतिबेला पुरानालाई सम्मान र नयाँलाई प्रोत्साहनको लहर चलेको बेला नेपाली कम्युनिष्ट पार्टीबाट उनी सहमतिमै प्रत्यक्षर्फको उम्मेदवार हुने स्थिति बढेको हो ।