हामी सबैकाे संसारन्यूज

काठमाडौँ । नेपाल कम्युनिस्ट पार्टी स्याङ्जा–काठमाडौं सम्पर्क समन्वय समितिको आयोजनामा मतदाता भेटघाट तथा परिचयात्मक कार्यक्रम सम्पन्न भएको छ ।

कार्यक्रममा स्याङ्जा क्षेत्र नम्बर–१ का उम्मेद्वार शैलेन्द्र घिमिरेले स्याङ्जामा सबैभन्दा ठूलो हक्काँ गर्ने शक्ति नेकपा र तारा चिह्न रहेको दाबी गरेका छन् । घिमिरेले काठमाडौँको तुलनामा पोखरामा दोब्बर उत्साह देखिएको र पोखराभन्दा स्याङ्जाका मतदातामा ताराप्रतिको उत्साह अझै दोब्बर रहेको बताए ।

यस्तै स्याङ्जा क्षेत्र नम्बर–२, का उम्मेद्वार पदम विश्वकर्माले स्याङ्जा दुवै क्षेत्रमा नेपाली कम्युजिस्ट पार्टीका उम्मेद्वार जितको निकट पुगेको बताए । उनले विगतमा काँग्रेस एमालेलाई मतदान गरेर जिताएका मतदातामा अहिले निक्कै ठुलो पश्चताप र निराशा छाएको दाबी गरे ।

‘माओवादीको निर्णयक मतले ७० सालदेखि काँग्रेस एमालेलाई निर्वाचित गरेर संसदमा पठायौँ । उनीहरुले काम गर्न सकेनन्, त्यसकारण जनतामा निरासा बढेको छ, ‘उनले भने, ‘अहिलेको निर्वाचनमा नेकपा समर्थक र पार्टीपंतीमा ठुलो उत्साह छ । समर्थक, शुभ चिन्तक, आधारभूत वर्ग, सहिदपरिवारले व्यापक सहयोग गर्ने बचन दिएका छन् ।’

यसैगरी समानुपातिक सांसद ताजमहमद मियाँले बहादुरी र उत्साहका साथ जनतामा जानुपर्ने बताए । उनले कायरहरुलले लडाई नजित्ने भन्दै नेकपा विरुद्ध लागेकाहरुको दुस्प्रयार चिर्न हिउँ र ज्वाला बन्नुपर्ने बताए ।

मियाँले उत्पीडित वर्ग समुदाय नेकपाकैपक्षमा रहेको दावी गर्दै निर्वाचनको सक्रियताले पार्टीलाई मज्बुद बनाउने बताए ।

कार्यक्रममा नेकपाका केन्द्रीय सदस्य लेखनाथ चापागाईंले गाउँ–गाउँमा पुगेर पार्टीको एजेन्डा स्पष्ट रूपमा राख्न कार्यकर्तालाई निर्देशन दिएका छन् । उनले “विकल्पको पनि विकल्प नेकपा नै हो” भन्दै निर्वाचन अभियानमा आत्मविश्वासका साथ प्रचारमा जुट्न आग्रह गरे ।

यस्तै, अखिल क्रान्तिकारीका केन्द्रीय उपाध्यक्ष मदन ढकालले आगामी निर्वाचनमा १६४ वटै क्षेत्रमा कसरी विजय हासिल गर्ने भन्ने मूल उद्देश्यका साथ सामूहिक ऊर्जा लिएर भूगोलमा जाने बताए ।

उनले जनताले विकल्प खोजिरहेको उल्लेख गर्दै “हामी विकल्प बन्ने कि नबन्ने भन्ने कुरा हाम्रो सक्रियता र प्रस्तुतीमा निर्भर छ” भने । अन्य दलभन्दा आफूहरू फरक देखिनुपर्ने उनको भनाइ थियो ।

कार्यक्रममा नेकपाका नेता लक्ष्मण केसीले पार्टीविरुद्ध भ्रम सिर्जना गर्ने प्रयास भइरहेको दाबी गरे । “अँध्यारो कोठामा बसेर ‘डार्क बियर’ शैलीमा भ्रम फैलाइँदैछ, हामीले त्यो भ्रम चिर्नुपर्छ,” उनले भने ।
विदेशमा बस्ने केही व्यक्तिहरूले नयाँ दललाई मत हाल्ने नाममा ‘ब्याकमेलिङ’ गरिरहेको आरोप लगाउँदै उनले नयाँ दलहरूको नीति, एजेन्डा र कार्यक्रम स्पष्ट नभएको टिप्पणी गरे ।

कार्यक्रम स्याङ्जा–काठमाडौं सम्पर्क समन्वय समितिका अध्यक्ष प्रीतम गैरको अध्यक्षता तथा स्वागत मन्तव्यसँगै सुरु भएको थियो ।
कार्यक्रममा विभिन्न तहका नेता–कार्यकर्ता तथा समर्थकहरूको सहभागिता थियो ।