हामी सबैकाे संसारन्यूज

काठमाडौँ । नेपालको पहिलो बैंक नेपाल बैंक लिमिटेड का ग्राहक, कर्मचारी तथा कर्मचारीका परिवारका सदस्यलाई स्वास्थ्य सेवामा विशेष छुट प्रदान गर्ने उद्देश्यले सिग्मा डायग्नोस्टिक्स ल्यावरेटरी प्रा. लि. सँग सम्झौता गरिएको छ।

भक्तपुर–९, राधेराधे स्थित सिग्मा डायग्नोस्टिक्स ल्यावरेटरीले प्रदान गर्ने विभिन्न प्याथोलोजी सेवामा डिजिटल कारोबारमार्फत भुक्तानी गर्दा बिल रकमको २० प्रतिशतदेखि ५० प्रतिशतसम्म छुट उपलब्ध गराइने व्यवस्था गरिएको छ।

सम्झौतापत्रमा २०८२ फागुन ०८ गते बैंकका तर्फबाट बजारीकरण तथा अनुसन्धान डिभिजन प्रमुख निर्मल सुवेदी र ल्यावका तर्फबाट निर्देशक वेद प्रकाश मिश्र ले हस्ताक्षर गरेका हुन्।

यस सम्झौतासँगै नेपाल बैंकमा खाता रहेका ग्राहक तथा बैंकमा कार्यरत कर्मचारीहरू सहुलियतपूर्ण दरमा गुणस्तरीय स्वास्थ्य परीक्षण सेवा लिन सक्ने भएका छन्। बैंकले आफ्ना सरोकारवालालाई थप सुविधा उपलब्ध गराउने रणनीतिअनुसार यस्तो सहकार्यलाई निरन्तरता दिने जनाएको छ।