Sansar News
सुर्खेत । निर्वाचन विरोधी गतिविधिमा संलग्न भएको आरोपमा सुर्खेतमा विभिन्न राजनीतिक दलका ८ जना नेता पक्राउ परेका छन्।
जिल्ला प्रहरी कार्यालय सुर्खेतले क्रान्तिकारी कम्युनिस्ट पार्टीका जिल्ला इन्चार्ज नारायण न्यौपाने, वैज्ञानिक समाजवादी कम्युनिस्ट पार्टीका जिल्ला सचिव धीर दर्जी, क्रान्तिकारी कम्युनिस्ट पार्टीका ब्यूरो सदस्य कर्णबहादुर बीसी, श्याम कुँवर, नेकपा बहुमतका जिल्ला सचिव राजकुमार पौडेल (राजु), नेकपा क्रान्तिकारीका जिल्ला समिति सचिव रन्तबहादुर वली, नेकपा बहुमतका वडा समिति सदस्य पूर्ण तिरुवा र रुकुमपश्चिम चौरजहारी नगरपालिका–८ का मानबहादुर मल्ललाई नियन्त्रणमा लिएको जनाएको छ।
प्रहरी नायव उपरीक्षक मोहनजंग बुढथापाका अनुसार उनीहरुलाई “निर्वाचन विरोधी गतिविधि गर्न सक्ने” शङ्का देखिएपछि नियन्त्रणमा लिइएको हो।
वि.सं.२०८२ फागुन १४ बिहीवार १४:५९ मा प्रकाशित
