Sansar News
एकनारायण चापागाईं,दाङ
कलम कापी किनेको सम्झना आयो
पसल गर्दा चिनेको सम्झना आयो
बिहे मेरो हुने बेला लमी बन्दै
कुरा उनले छिनेको सम्झना आयो
नभेटेको भयो धेरै भन्यौ साथी
पिई खुब मात्तिनेको सम्झना आयो
ज-जसले प्रश्न खुब गर्थे तिनैलाई
कडा उत्तर दिनेको सम्झना आयो
छँदा सानो मजा गर्दै सधैँ खेल्थ्यौँ
हिलोमा चिप्लिनेको सम्झना आयो
बहर : हजज मुसद्दस सालीम
अर्कान : मुफाईलुन् मुफाईलुन् मुफाईलुन्
वजन : १२२२ – १२२२ – १२२२
काफिया : इने
तहलिली रदिफ : को
रदिफ : सम्झना आयो
अभ्यास : परिश्रमी पाठशाला
वि.सं.२०८२ फागुन ३० शनिवार ०६:०७ मा प्रकाशित
