Sansar News
शम्भु गजुरेल, सिन्धुली
१)
सम्झाउन साह्रै गाह्रो
तर सबैभन्दा त
आफैँलाई पर्छ साह्रो।
२)
भन्छु मेरी माया
तर उनी भने
रुचाउन्नन् मेराे छाया।
३)
अब चैत लाग्याे
जाडाे कता गएछ ?
ज्यानले शितल माग्याे ।
४)
वसन्त अब फुल्दैछ
नवपल्लव देख्न पाउँदा
मनमयुर हावामा झुल्दैछ ।
५)
आज रुघा लाग्याे
किन हाे कुन्नी ?
भन्थेँ जाडाे भाग्याे ।
६)
कता पुग्यो ध्यान ?
ज्यानमात्र छ यता
छैन केही ज्ञान।
७)
तीन खुट्टे जाेडी
साँच्चै छ अनाैठाे
त्रय देव छाेडी।
८)
बोल्दैन अचेल अकारण
ऊ विशिष्ट रे
म परेँ साधारण।
९)
हिजाेसम्म मिल्ने साथी
आज मलाई चिन्दैन
हैसियत पुगेछ माथि।
१०)
ऊ नेताकाे भक्त
पुगेछ धेरै माथि
म निहुरिन अशक्त ।
वि.सं.२०८२ फागुन ३० शनिवार ०६:०८ मा प्रकाशित
