हामी सबैकाे संसारन्यूज

काठमाडौँ । सामसङ नेपाल ले नयाँ वर्ष २०८३ को अवसर पारेर १२ महिनासम्मको सजिलो ईएमआई सुविधा सहित ‘स्मार्ट घर, स्मार्ट सुरुवात’ अभियान सार्वजनिक गरेको छ। अभियानमार्फत ग्राहकले स्मार्ट टिभी, वासिङ मेसिन, फ्रिजलगायत विभिन्न घरायसी उपकरणहरू आकर्षक छुट र उपहारसहित खरिद गर्न सक्नेछन्।

कम्पनीका अनुसार ० प्रतिशत ब्याजदरमा १२ महिनासम्मको ईएमआई सुविधा उपलब्ध गराइएको छ। यस योजनाअन्तर्गत ग्राहकले न्यूनतम कागजी प्रक्रियामै सजिलै किस्ताबन्दी सेवा लिन सक्नेछन्।

अभियानमा स्मार्ट टिभी खरिद गर्दा ६ महिनादेखि १२ महिनासम्मको नेटटिभी (NETTV) प्याकेज निःशुल्क उपलब्ध गराइएको छ। टिभीको साइज र मोडेलअनुसार २४ इन्चदेखि ८५ इन्चसम्मका विभिन्न विकल्पमा छुट तथा उपहार समावेश गरिएको कम्पनीले जनाएको छ।

यसैगरी, वासिङ मेसिन खरिदमा १३ प्रतिशतसम्म छुटका साथै ‘Surf Excel Matic’ डिटर्जेन्ट उपहार दिइनेछ। केही मोडेलहरूमा विशेष गिफ्ट पनि उपलब्ध गराइएको छ। फ्रिज खरिदमा पनि १५ प्रतिशतसम्म छुट दिइएको छ, जसमा साइड–बाइ–साइड (SBS), डबल डोर तथा सिंगल डोर मोडेलहरू समावेश छन्।

कम्पनीका अनुसार ग्राहकहरूले Hulas Finserve Hire Purchase Ltd. मार्फत १२ महिनासम्मको ईएमआई सुविधा लिन सक्नेछन्। साथै, ० प्रतिशत डाउन पेमेन्ट र १२ महिनासम्म ९.९९ प्रतिशतसम्मको ब्याजदरमा पनि किस्ताबन्दी सेवा उपलब्ध रहेको छ।

यस अभियान देशभरका अधिकृत विक्रेतामार्फत लागू गरिएको छ। साथै, Samsung Plaza तथा Samsung InstaStore मार्फत पनि ग्राहकले सहज रूपमा खरिद गर्न सक्नेछन्।

कम्पनीले नयाँ वर्षको अवसरमा आफ्ना उत्पादनहरूलाई अझ पहुँचयोग्य बनाउँदै ग्राहकलाई स्मार्ट जीवनशैलीतर्फ आकर्षित गर्ने लक्ष्य लिएको जनाएको छ।