हामी सबैकाे संसारन्यूज

काठमाडाैँ । NIC Asia Bank ले आफ्ना ग्राहकहरूलाई खातामा स्थायी लेखा नम्बर (PAN) र ईमेल ठेगाना यथाशीघ्र अद्यावधिक गर्न अनुरोध गरेको छ। बैंकका अनुसार ब्याजबाट काटिएको कर विवरणलाई आयकर ऐन २०५८ बमोजिम आन्तरिक राजश्व प्रणालीमा समावेश गर्न प्यान अनिवार्य रहेको छ।

बैंकले जारी गरेको सूचनामा ग्राहकहरूले आफ्नो प्यान अद्यावधिक नगरेमा E-TDS प्रणालीमा कर विवरण प्रविष्ट नहुन सक्ने र पछि कर समायोजनमा समस्या आउन सक्ने उल्लेख गरिएको छ। यस्तो अवस्थामा उत्पन्न हुने समस्याका लागि बैंक जिम्मेवार नहुने पनि स्पष्ट पारिएको छ।

ग्राहकहरूले बैंकको आधिकारिक पोर्टल तथा मोबाइल बैंकिङ एप “NIC ASIA MoBank” मार्फत ‘PAN Update’ विकल्प प्रयोग गरी प्यान अद्यावधिक गर्न सक्नेछन्। साथै, नजिकको शाखा कार्यालयमा गई आवेदन दिन सकिने व्यवस्था पनि गरिएको छ।

त्यस्तै, बैंकले आफ्ना ग्राहकहरूलाई खातामा ईमेल ठेगाना समेत अद्यावधिक गर्न आग्रह गरेको छ। ईमेल अद्यावधिक गर्न मोबाइल एपको “My Profile” मा रहेको “Change Email” विकल्प प्रयोग गर्न सकिने वा शाखा कार्यालयमार्फत पनि सेवा लिन सकिने जनाइएको छ।

बैंकले सेवा सम्बन्धी थप जानकारी वा समस्या समाधानका लागि ग्राहक सम्पर्क केन्द्रमा फोन गर्न अनुरोध गरेको छ।