हामी सबैकाे संसारन्यूज

काठमाडौँ । नेपालको डिजिटल पूर्वाधारलाई विश्वस्तरमा पु¥याउने र देशको ’डाटा सुरक्षा’लाई मजबुत बनाउने उद्देश्यका साथ ’बिचुटेन डाटा भोल्ट’ (भिडिभि) ले नेपालको पहिलो टियर–४ हाइपरस्केल डाटा सेन्टर निर्माण गर्ने घोषणा गरेको छ । यो परियोजनाले नेपाललाई दक्षिण एसियाकै एक विश्वसनीय डिजिटल हबको रूपमा स्थापित गर्ने लक्ष्य राखेको हो ।

अन्तर्राष्ट्रिय गुणस्तर
यो नेपालकै पहिलो टियर–४ प्रमाणित डाटा सेन्टर हुनेछ, जसले ९९.९९% अपटाइम (ग्उतष्mभ) सुनिश्चित गर्दछ। यसको अर्थ वर्षभरिमा जम्मा २६ मिनेट भन्दा कम मात्र प्राविधिक अवरोध हुन सक्छ। यस्तो उच्च स्तरको विश्वसनीयता विशेषगरी बैंकिङ, दूरसञ्चार र सरकारी तथ्याङ्क जस्ता संवेदनशील क्षेत्रका लागि अत्यन्तै सुरक्षित र भरपर्दो मानिन्छ।

विस्तार र क्षमता
यो परियोजना काठमाडौं ९साइट १० र वीरगन्ज ९साइट २० गरी दुई रणनीतिक स्थानहरूमा रहनेछ । २४० किलोवाट क्षमताबाट सुरु भई सन् २०३० सम्ममा यसलाई ५ मेगावाटसम्म विस्तार गर्ने योजना रहेको छ।

विश्वव्यापी साझेदारी र स्वदेशी प्रविधि
प्रविधि र विशेषज्ञताका लागि कम्पनीले विश्वविख्यात प्रविधि हस्तीहरू गुगल क्लाउड (न्ययनभि ऋयिगम), एएमडी (ब्ःम्), माईक्रोन र भीभीडीएन  सँग रणनीतिक साझेदारी गरेको छ।

यसले नेपालको सूचना प्रविधि (क्ष्त्) र इन्जिनियरिङ क्षेत्रमा ठूलो मात्रामा रोजगारी सिर्जना गर्ने मात्र नभई, भविष्यमा नेपालमै सर्भर, क्यामेरा, ल्यापटप र ट्याब्लेट जस्ता उपकरणहरू उत्पादन गर्ने दीर्घकालीन लक्ष्य समेत लिएको छ।

डिजिटल सार्वभौमिकता र सुरक्षा
“डाटा नै कृत्रिम बौद्धिकता (एआई) र डिजिटल रूपान्तरणको आधार हो“ भन्ने मान्यताका साथ यो सेन्टरले नेपालको डाटा नेपालभित्रै सुरक्षित राख्ने (क्ष्ल–अयगलतचथ म्बतब च्भकष्मभलअथ) सुनिश्चित गर्नेछ। यसले विदेशी सर्भरमाथिको निर्भरता कम गरी राष्ट्रिय सुरक्षा र साइबर प्रतिरोधात्मक क्षमतालाई बलियो बनाउनेछ।

वातावरण मैत्री र दिगो
यो डाटा सेन्टर पूर्णतया नेपालको जलविद्युतमा आधारित हुनेछ। ऊर्जा–दक्ष प्रविधिको प्रयोग गरी यसलाई वातावरण मैत्री बनाइने कम्पनीले जनाएको छ।

बिचुटेन डाटा भोल्टको बारेमा
बिचुटेन डाटा भोल्ट प्रा. लि. नेपालमा आधारित निजी कम्पनी हो। ’बिचुटेन’ नाम भगवान विष्णुको जापानी बौद्ध नामबाट लिइएको हो, जसको अर्थ “रक्षक“ हुन्छ। कम्पनीको मुख्य ध्येय नेपालको डिजिटल भविष्यलाई सुरक्षित र आत्मनिर्भर बनाउनु रहेको छ।