हामी सबैकाे संसारन्यूज

काठमाडौं । गरिमा विकास बैंकले एकैसाथ तीन नयाँ डिजिटल बैंकिङ सेवाको शुभारम्भ गरेको छ । नयाँ आर्थिक वर्ष २०८३/८४ को अवसरमा ग्राहकलाई थप सहज, सुरक्षित र आधुनिक बैंकिङ अनुभव प्रदान गर्ने उद्देश्यका साथ तीन नयाँ डिजिटल बैंकिङ सेवाको औपचारिक शुभारम्भ गरेको हो।

बैंकले गरिमा प्रिपेड डलर कार्ड (Garima Prepaid Dollar Card), गरिमा   POS टर्मिनल (Garima POS Terminals) तथा गरिमा Interbank QR Teller सेवा एकैसाथ सार्वजनिक गरेको हो।

बैंकका अनुसार गरिमा प्रिपेड डलर कार्ड मार्फत नेपाल राष्ट्र बैंकले निर्धारण गरेको सीमाभित्र रही अन्तर्राष्ट्रिय वेबसाइट, मोबाइल एप तथा विभिन्न ई–कमर्स प्लेटफर्ममा अमेरिकी डलरमा सुरक्षित अनलाइन भुक्तानी गर्न सकिनेछ।

त्यसैगरी, गरिमा POS टर्मिनल सेवाबाट व्यवसायी तथा व्यापारीहरूले डेबिट, क्रेडिट र प्रिपेड कार्डमार्फत सुरक्षित, छिटो तथा भरपर्दो डिजिटल भुक्तानी स्वीकार गर्न सक्नेछन्। यस सेवाले नगदरहित कारोबारलाई प्रोत्साहन गर्दै डिजिटल भुक्तानी प्रणालीलाई थप प्रभावकारी बनाउने बैंकको विश्वास छ।

यस्तै, गरिमा Interbank QR Teller सेवामार्फत फोनपे नेटवर्कमा आबद्ध जुनसुकै बैंक तथा वित्तीय संस्थाका ग्राहकहरूले आफ्नो मोबाइल बैंकिङ एपबाट गरिमा क्ष्लतभचदबलप त्तच् स्क्यान गरी गरिमा विकास बैंकका कुनै पनि शाखाबाट सहज रूपमा नगद प्राप्त गर्न सक्नेछन्।

बैंकले यी नयाँ सेवामार्फत डिजिटल बैंकिङलाई थप विस्तार गर्दै ग्राहकको सुविधा, सुरक्षा र सेवा पहुँचलाई नयाँ उचाइमा पुर्‍याउने अपेक्षा गरेको जनाएको छ। साथै, डिजिटल प्रविधिको अधिकतम उपयोगमार्फत आधुनिक, सरल र भरपर्दो बैंकिङ सेवा प्रदान गर्ने आफ्नो प्रतिबद्धता दोहोर्‍याएको छ।