Sansar News
काठमाडौँ । साताको पहिलो कारोबार दिन सोमबार धितोपत्र बजारमा उत्साहजनक सुधार देखिएको छ । नेपाल स्टक एक्सचेन्ज (नेप्से) परिसूचक दोहोरो अंकले बढेर बन्द भएको छ । आज नेप्से परिसूचक ४१.७० अंकले वृद्धि भई २,७१९.२४ बिन्दुमा पुगेको हो ।
आज कारोबार रकममा पनि राम्रो सुधार देखिएको छ । दिनभर भएका ६७,१५५ वटा कारोबारमार्फत ३४३ वटा कम्पनीका कुल १ करोड, २२ लाख ४५ हजार तीन सय ३७ कित्ता सेयर खरिदबिक्री भएका छन् । जसबाट कुल ५ अर्ब ५१ करोड २६ लाख ८८ हजार ९७९ रुपैयाँ बराबरको कारोबार भएको छ ।
सोमबारको बजारमा अधिकांश कम्पनीका लगानीकर्ताले कमाएका छन् । आज कारोबार भएका कम्पनीहरूमध्ये कुल २३९ वटा कम्पनीको सेयर मूल्य बढेको ( छ भने ३२ वटा कम्पनीको सेयर मूल्य घटेको छ । बाँकी ५ वटा कम्पनीको सेयर मूल्यमा भने कुनै परिवर्तन भएको छैनन्
आज इस्टर्न हाइड्रोपावर लिमिटेडको सेयर मूल्यमा १४.९७ प्रतिशत र रिलायन्स लिपर्ड सिमेन्ट लिमिटेडको सेयर मूल्यमा १४.६४ प्रतिशतको वृद्धि भई सकारात्मक सर्किट लागेको छ ।
उता सबैभन्दा बढी गुमाउनेमा आत्मनिर्भर लघुवित्त वित्तीय संस्था लिमिटेड (ब्ल्ीद्य) रहेको छ, जसको सेयर मूल्य ६.८६ प्रतिशत घटेको छ ।
आज कारोबार रकमका आधारमा अरुण काबेली पावर लिमिटेड शीर्ष स्थानमा रह्यो । यस कम्पनीको २९ करोड १५ लाख ५२ हजार १५४ रुपैयाँ बराबरको सेयर कारोबार भएको छ ।
वि.सं.२०८३ साउन ४ सोमवार १६:५७ मा प्रकाशित
