हामी सबैकाे संसारन्यूज

काठमाडौँ । नेपालको पहिलो बैंक नेपाल बैंक लिमिटेडले सर्वसाधारणलाई सहज र सुलभ तरिकाले घर निर्माण तथा खरिद गर्न सहयोग पुर्याउने उद्देश्यले ’एनबीएल सर्व सुलभ आवास कर्जा’ योजना ल्याएको छ ।

बैंकले “अब बन्छ सबैको सपनाको घर, किनकि हामीसँग छ सर्वाधिक न्यून ब्याजदर“ भन्ने नाराका साथ यो आकर्षक कर्जा योजना अघि सारेको हो ।

यस योजना अन्तर्गत ग्राहकहरूले मात्र ५ प्रतिशतबाट सुरु हुने प्रारम्भिक ब्याजदरमा घर कर्जा प्राप्त गर्न सक्नेछन् । साथै, कर्जा स्वीकृत गर्दा लाग्ने सेवा शुल्क समेत मात्र ०.५ प्रतिशत तोकिएको छ, जसले गर्दा घर बनाउने वा खरिद गर्ने सोचमा रहेका सर्वसाधारणलाई प्रारम्भिक वित्तीय भार निकै कम हुने बैंकको भनाइ छ । व्यक्तिगत आवासीय घर निर्माण, खरिद तथा स्तरोन्नति गर्न चाहने ग्राहकहरूलाई लक्षित गरी यो योजना ल्याइएको हो ।

इच्छुक ग्राहकले उक्त कर्जा सम्बन्धी थप जानकारी तथा आवेदनका लागि ग्राहकहरूले धर्मपथ, काठमाडौँस्थित बैंकको प्रधान कार्यालय वा देशभर रहेका कुनै पनि शाखा कार्यालयमा सम्पर्क गर्न सक्नेछन् ।