हामी सबैकाे संसारन्यूज

काठमाडौँ । आज साताको पाँचौँ कारोबारको दिन पनि नेप्से परिसूचक दोहोरो अंकले ओरालो लागेको छ । नेप्से परिसूचक १६.२९ अंक ०.६० प्रतिशतले घटेर २,६७२.५८ विन्दुमा सिमित भएको हो ।

बिहीबार कुल ३३७ वटा स्क्रिप्सका ७५ लाख ४८ हजार ५९१ कित्ता शेयर ४४ हजार ६५१ पटक कारोबार हुँदा कुल ३ अर्ब ३८ करोड १३ लाख १८ हजार २४८ रुपैयाँ बराबरको कारोबार भएको छ । आज कुल २०६ वटा कम्पनीको शेयर मूल्य घटेको छ भने ५९ वटा कम्पनीको मूल्य बढेको छ। ११ वटा कम्पनीको शेयर मूल्य भने स्थिर रह्यो।

आज १३ वटै उपसुचक घटेका छन् । सबैभन्दा बढी जलविद्युत् उपसमूह सर्वाधिक १.२० प्रतिशत र विकास बैंक १.१२ प्रतिशतले घटेका छन्। यस्तै, उत्पादन तथा प्रशोधन ०.६७ प्रतिशत, जीवन बीमा ०.४२ प्रतिशत र बैंकिङ उपसमूह ०.३३ प्रतिशतले ओरालो लागेका छन ।

आज ईसिएलको शेयर मूल्य सर्वाधिक १५ प्रतिशतले बढेको । त्यस्तै, सेन्ट्रल फाइनान्स २.७४ प्रतिशत र शिवश्री हाइड्रोपाव २.१५ प्रतिशतले बढेका छन् ।

आज सबैभन्दा बढी घट्ने खानीखोला हाइड्रोपावर को शेयर मूल्य १४.९९ प्रतिशतले घटेको छ । त्यस्तै, कर्पोरेट डेभलपमेन्ट बैंकको मूल्य पनि १२.३० प्रतिशतले घटेको छ ।

आज कारोबार रकमका आधारमा राष्ट्रिय बीमा कम्पनी लिमिटेड २४ करोड ३८ लाख रुपैयाँभन्दा बढीको कारोबारसहित शीर्ष स्थानमा रह्यो।