Logo
१४ माघ २०७८, शुक्रबार
     Fri Jan 28 2022
E-paper
  English Edition
   Unicode
Logo

मतदाताहरु मतदान गर्न आतुर



१३ असार, ताप्लेजुङ । दोस्रो चरणको स्थानीय तहको निर्वाचन मिति नजिकिएसँगै ताप्लेजुङ सदरमुकाम सुनसान बन्दै गएको छ ।

विभिन्न पेसा व्यवसाय गरी सदरमुकाम बस्दै आएकाहरु मतदान गर्न आआफ्नै गाउँ फर्किएपछि सदरमुकाम सुनसान बन्दै गएको हो । मौनअवधि सुरु हुनु पुर्व चियापसलदेखि ठूलठूला होटलसम्म दलका नेता कार्यकर्ताको बाक्लो उपस्थिति देखिन्थ्यो भने अहिले सदरमुकामवासी मात्र फाट्टफुट्ट देखिन्छन् । मौनअवधिमा भोट माग्न तथा चुनावी प्रचार गर्न नपाइने भएकाले पनि स्थानीय नेता कार्यकर्ता बाहिर निस्किएका छैनन् ।

सदरमुकामका कतिपय पसल बन्द देखिएका छन् भने खुलेका पसलमा पनि किनमेल हुन छाडेको छ । एक नगरपालिका र आठ गाउँपालिका रहेको ताप्लेजुङका सबै निर्वाचन केन्द्र तथा मतदानस्थलमा मतदान अधिकृतसहितका कर्मचारी पुगेका छन् भने मतदातालाई परिचयपत्र बाँड्नेदेखि लिएर अरु तयारी तीव्ररुपमा भइरहेको जिल्ला निर्वाचन कार्यालयले जनाएको छ ।

मतदानको ब्यग्र प्रतिक्षामा रहेका स्थानीयवासी पनि मतदानमा भाग लिन आतुर देखिएका छन् । असारे चटारो भएपनि मतदानमा भाग लिन स्थानीय आतुर देखिएका हुन् । जिल्ला बाहिर रहेका मतदाता पनि आफ्ना काम धन्दा छाडेर मतदानका लागि जिल्ला भित्रने क्रम बढ्दो छ । सिक्किम, दार्जिलिङ, तराईका जिल्ला र राजधानीमा बसोबास गर्दै आएका आफ्नै गाउँघरमा मतदानका लागि फर्किएका छन् ।


यो खबर पढेर तपाईलाई कस्तो महसुस भयो ?

काठमाडौं । नेपाल कम्युनिष्ट पार्टीभित्रको विवाद उत्कर्षमा पुगेको छ । विवाद चलिरहेकै बेला पार्टी

फर्शुराम भुर्तेल । पर्वतको पैयुमा श्रद्धान्जली सभा सम्पन्न गरीएको छ । गण्डकी प्रदेश पर्वत

तनहुँ । खेत मासेर तनहुँमा एक व्यक्तिले रिसोर्ट निर्माण गरेका छन् । पोखरा निवासी

काठमाडौं । नेपालको सम्पुर्ण बैंकिङ क्षेत्रमा लगानीयोग्य पुँजीको तरलतामा समस्या देखिएको छ । झण्डै