हामी सबैकाे संसारन्यूज

१५ असार, काठमाडौँ । चिली रुसमा जारी कन्फेडेरसन कपको फाईनलमा प्रवेश गरेको छ । हिजो भएको सेमिफाईनलको खेलमा चिलीले पोर्चुगललाई पेनाल्टी सुटआउटमा हराएको हो । पोर्चुगलका ३ जना खेलाडीले प्रहार गरेको पेनाल्टी चिलीका गोलकिपर क्लाउडिओ ब्राभोले रोकेका थिए । ब्राभोले पोर्चुगलका नानी, रिर्काडो क्वारेज्मा र जय माओटिन्होको प्रहार रोकेका थिए ।

चिलीका लागि आर्टुरो भिडाल, एलेक्सिस सान्चेज तथा आराङगुइजले प्रहार गरेको पेनाल्टी गोलमा परिणत भएको थियो ।
ब्राभोले लगातार चिलीलाई तेस्रो पटक सम्म अन्तराष्ट्रिय प्रतियोगिताको फाईनलमा पुराएका हुन् । चिलीले अब फाईनलमा आज हुने मेक्सिको र जर्मनीको विजेता सँग खेल्ने छ ।