हामी सबैकाे संसारन्यूज

१८ साउन, राजविराज । दलित एवं भूमिअधिकार आन्दोलनका अगुवा बलदेव रामको ७४ वर्षको उमेरमा मंगलबार निधन भएको छ ।

विसं २००० सालमा सप्तरीको मधुपट्टिमा जन्मिएका राम लामो समयदेखि दलित अधिकारको पक्षमा र मोही अधिकारका लागि संघर्ष गर्दै आएका थिए ।

रामले सिरहा र सप्तरीलाई कार्य क्षेत्र बनाई सिनो नफाल्ने आन्दोलनको नेतृत्व गरेकाले चमार जातिमा सिनो फाल्ने काम हटेको थियो । २०६१ सालमा उहाँले राष्ट्रिय भूमिअधिकार मञ्चको संस्थापक अध्यक्ष भएर आन्दोलनलाई देशव्यापी बनाउन अग्रणी भूमिका निर्वाह गरेका थिए ।

उनले भूमिअधिकारको क्षेत्रमा दर्जनभन्दा बढी पुरस्कारसमेत प्राप्त गरिसकेका छन् । २०६५ सालमा भूमिसुधार आयोगका सदस्यसमेत बन्नुभएका उहाँका श्रीमती, तीन छोरी र दुई छोरा रहेका छन् ।