हामी सबैकाे संसारन्यूज

२८ साउन, एजेन्सी । हिजो देखि सुरु भएको प्रीमियर लिगको सुरुआती खेलमा आर्सनलले लेईस्टर सिटि माथी रोमान्चक जित निकालेको छ ।
आर्सनलको घरेलुु मैदान  इमिरेट्समा भएको खेलमा आर्सनलले लेईस्टर सिटीलाई ४-३ गोल अन्तरले हराएको हो । खेलको   दोस्रो मिनेटमा  नै लाकाजेट्टीको गोलबाट अग्रता लिएको आर्सनलले  त्यसको तीन मिनेटमै ओकाजाकीको गोलबाट लेईस्टरले खेल बराबरीमा ल्याएको थियो । यस्तै खेलको २९ औ मिनेटमा लेइस्टरका भार्डीले गोल गर्दै  लेइस्टरलाई अग्रता दिलाएका थिए  । खेलको पहिलो हाफको अन्तिम मिनेटमा  ड्यानी वेलबेकले गोल गर्दै आर्सनललाई  बराबरी ल्याएका थिए ।
यसै गरि खेलको ५१ औ मिनेटमा भार्डीले पुन: गोल गर्दै लेइस्टरलाई अग्रता दिलाएका थिए । तर खेलको ८३ औ र ८५ औ मिनेटमा आर्सनलका राम्सी र जिरुडले गोल गर्दै आर्सनललाई रोमान्चित  जित  दिलाए ।
जितसँगै  आर्सनलले प्रीमियर लिगमा  ३ अंक जोड्दै तालिकाको शीर्ष स्थानमा उक्लिएको छ ।