Logo
३ माघ २०७८, सोमबार
     Mon Jan 17 2022
E-paper
  English Edition
   Unicode
Logo

हायसको ठक्करबाट छोराको मृत्यु, बाबु घाइते



२९ साउन, सिन्धुली  । सिन्धुलीमा आज साँझ हायसको ठक्करबाट एक बालकको मृत्यु भएको छ । सुनकोशी गाउँपालिका–३ गुठबजारमा हायसले मोटरसाइकललाई ठक्कर दिँदा बाबु घाइते र छोराको मृत्यु भएको हो ।

दुर्घटनामा धनुषा मिथिला नगरपालिका–९ निवासी ९ वर्षीय शिव कोइरालाको मृत्यु भएको जिल्ला प्रहरी कार्यालय सिन्धुलीले जनाएको छ । काठमाडाँैतर्फ जाँदै गरेको बा३ख ८९३९ नंको हायसले सिन्धुलीतर्फ आउँदै गरेको ज१०प १९२७ नंको मोटरसाइकललाई ठक्कर दिएको प्रहरी नायब उपरीक्षक सुभाषचन्द्र बोहोराले जानकारी दिनुभयो ।

मिथिला नगरपालिका–९ निवासी ४० वर्षीय निरोज कोइरालाको घाइते भएका बाबुको खुर्कोटस्थित भरोसा अस्पतालमा उपचार भइरहेको छ । बालकलाई अस्पताल पु¥याउना साथ मृत घोषणा गरेको उहाँले जानकारी दिनुभयो ।

दुर्घटनाको कारण भने खुल्न नसके पनि हायस र चालकलाई प्रहरीले नियन्त्रणमा लिएको छ । राजमार्गमा हायस, सुमोलगायतका साना सवारीसाधन सडक नियम विपरीत चल्दा दुर्घटना बढ्दै गएको छ ।

यसैबीच, सिन्धुलीमा केही दिनदेखि जिल्लाका विभिन्न भू–भागमा अविरल वर्षा जारी भए पनि पछिल्लो समयमा कुनै पनि अप्रिय घटना नघटेको जिल्ला प्रहरी कार्यालय सिन्धुलीका प्रहरी नायब उपरीक्षक सुभाषचन्द्र बोहोराले जानकारी दिनुभयो । छिट्फुट रुपमा कहीँ कतै सामान्य पहिरो गएको भए पनि मानवीय क्षति भने नभएको प्रहरीले जनाएको छ ।

वर्षात्का कारण दुर्घटनाका जोखिम भएका स्थानमा सावधानी अपनाउन प्रहरीले आग्रह गरेको छ । खोला तथा नदी आसपासका जिल्लावासीलाई सदैव सावधानीपूर्वक बस्न आग्रह गरेको छ । रासस


यो खबर पढेर तपाईलाई कस्तो महसुस भयो ?

काठमाडौं । काठमाडौंबाट पोखराका लागि उडेको गुण एयरलाइन्सको जहाजको ढोका अचानक आकाशमै खुलेपछि काठमाडौं

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

लालबहादुर ढेंगा, दुबई, युएई । राहदानी बिभागले हाल बिद्युतीय राहदानी (भ(एबककउयचत) जारी गर्ने कार्यको

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक

काठमाडौं । तराई मधेश केन्द्रीत नेताहरुमा पार्टी विभाजन गर्ने र पुरानै दललाई ब्यूँताउने लहर