हामी सबैकाे संसारन्यूज

१ असोज, काठमाडौँ । लालिगा अन्तर्गतको आज हुने खेलमा रियल म्याड्रिडले पहिलो रोजाईका आधा दर्जन खेलाडी गुमाउने भएको छ । आज हुने खेलमा रियलका पहलो रोजाईका खेलाडीहरु रोनाल्डो, मार्सेलो, बेन्जेमा, कोभाकिक, टोनी क्रुस, जेसस भलेजो जस्ता पहिलो रोजाईका खेलाडीहरु उपलब्ध नहुने भएका हुन् ।

रोनाल्डो ५ खेलको अन्तिम प्रतिबन्ध भोग्दै छन् । यस्तै मार्सेलो पनि अघिल्लो हप्ताको लेभान्टेसँगको खेलमा बेहोरेको रातोकार्डको कारण एक खेलको प्रतिबन्ध बेहोर्ने भएका हुन् । यस्तै बेन्जेमा, कोभाकिक, क्रुस, भलेजो पनि चोटका कारण खेल गुमाउने छन् ।
आज हुने रियल सोसिडाडसँगको खेललाई निकै कडा खेलको रुपमा लिईएको छ । सोसिडाडले लालिगामा खेलेका सबै खेल जितेको छ । उता रियल भने निरन्तर खराब नतिजाबाट गुज्रिरहेको छ ।