हामी सबैकाे संसारन्यूज

आदरणिय एनआरएन सँघका अग्रज अभियन्ता र प्रिय एनआरएन मित्रहरू,
एनआरएन सँघको आगामी आठौं अन्तर्राष्ट्रिय सम्मेलनले नयाँ नेतृत्वको चयन गर्दैछ। विगत एक दशकदेखि म यो अभियानमा अनवरत आबद्ध रहेको तथ्य सबै एनआरएनकर्मीहरूलाई अवगतै भएको कुरा हो। यस सन्दर्भमा, सँघको ‘युरोप संयोजक’ को गौरवशाली जिम्मेवारी निर्वाह गर्न म इच्छुक रहेको कुरा यहाँहरू समक्ष अनुरोध गर्न चाहन्छु । आगामी दिनहरूमा तपाईंहरूका चासो र सुझाव सुन्दै अन्तरकृया गरिरहने नै छु ।

मेरो उमेदवारी केका निम्ति ?
• गैरआवासीय नेपाली सँघको स्थापना, विकास र प्रगतिमा युरोप क्षेत्रको भूमिका गौरवशाली रहेको छ। यो गौरवशाली इतिहासलाई कायम राख्दै आईसीसीसँग रचनात्मक सहकार्य र समन्वय गर्ने।
• युरोप क्षेत्रका एनसीसीहरुको संस्थागत विकासका लागि आईसीसीसँग सहकार्य गरी एक विशेष योजना तर्जुमा गर्ने र संस्थागत विकास एवं आर्थिक पारदर्शितामा जोड दिने।
• सँघको विकेन्द्रिकरणमा जोड दिई युरोप क्षेत्रलाई अझ सशक्त क्षेत्रका रुपमा स्थापित गराउने र केन्द्रीय नीतिनिर्माण र योजनाहरुमा प्रत्यक्ष संलग्न रहने।
• सँघको संस्थागत चुनौतिहरु सम्बोधन गर्न प्रस्तावित “भिजन २०-२०” लाई तार्किक निष्कर्षमा पु‍र्‍याउने।
• युरोपका प्रवासी नेपालीहरुको पेशागत, शैक्षिक, आर्थिक एवं सामाजिक क्षमता विकासका निम्ति एनसीसीहरुसँग छलफल गरी एक कार्यनीति तय गर्ने र कार्यान्वयन गर्ने ।
• नेपालमा गरिने परोपकारी योजनाहरुको तर्जुमा र कार्यान्वयनमा प्रत्यक्ष प्रभावकारी भूमिका खेल्ने। साथै, संघका मेगा प्रोजेक्टहरु (लाप्राक, भवन निर्माण आदि) मा प्रतिबद्धता अनुसारको सहयोगलाई निरन्तरता दिने।

मैले आफूलाई किन योग्य ठानेँ ?
सामाजिक संस्थामा र पेशागत रूपमा दीर्घकालिन विचार, कार्यनीति र भिजन लिएर नेतृत्वदायी र उच्चस्तरिय व्यवस्थापनका साथ काम गरेको अनुभव
विगत एक दशकदेखि अनवरत रूपमा सँघको जिम्मेवार पदहरूमा सेवारत ।

संलग्नता : 
• संस्थापक उपाध्यक्ष (सन २००८-२००९), गैरआवासीय नेपाली सँघ स्विटजरल्यान्ड
• अध्यक्ष (२००९-२०११ र २०११-२०१३) गैरआवासीय नेपाली सँघ स्विटजरल्यान्ड
• आईसीसी सदस्य (२०१५-२०१७) स्विटजरल्यान्डको प्रतिनिधित्व
• साथै सँघका विभिन्न समितिहरुमा रही काम गरेको अनुभव
क्यान्सर रोग विशेषज्ञ, १४ वर्षदेखि स्विटजरल्यान्डमा कार्यरत। नेपाल र युरोपमा उच्चस्तरिय पेशागत अनुभव र शिक्षा ।

शिक्षा: 
• एम.बि.बि.एस. (नेपाल)
• एम.डी. (स्विटजरल्याण्ड)
• बायोमेडिकल ईन्जिनियरिङमा स्नातकोत्तर (स्विटजरल्याण्ड)
• एफ.एम.एच. रेडिएसन अंकोलोजी विशेषज्ञता (स्विटजरल्याण्ड)
संस्थागत काममा खटिन र सामाजिक सेवामा प्रतिबद्ध ।

गैरआवासीय नेपाली दीदिबहिनी दाजुभाइ एवं पत्रकार मित्रहरु,
विदेशमा रहेका नेपालीहरूको प्रतिनिधि संस्था एनआरएनसँघलाई अझै उचाईमा पुर्‍याउन र युरोपेली डायस्पोरामा रहेका नेपालीहरूको सेवा र प्रगतिका निम्ति समन्वयात्मक भूमिका खेल्न मेरो अनुभव, शिक्षा र सीपलाई उपयोग गर्न सक्ने विश्वास लिएको छु । यस अभियानमा तपाईंहरुको साथ, सहयोग र शुभेक्षा रहने अपेक्षा गर्दछु ।

डा. विनय कुमार श्रेष्ठ
युरोप संयोजक पदको उमेदवार
गैरआवासीय नेपाली सँघ, अन्तर्राष्ट्रिय समन्वय परिषद्
हाल : गैरआवासीय नेपाली सँघ स्विटजरल्यान्ड आईसीसी सदस्य
मिति : २० सेप्टेम्बर २०१७