हामी सबैकाे संसारन्यूज

गैरआवासीय नेपाली संघ राष्ट्रिय समन्वय समिति एनआरएनए युगाण्डाले रक्तदान कार्यक्रमको आयोजना गर्ने भएको छ ।
नोभेम्बर २२ का दिन Acacia मल फुड कोर्टमा बसेको समितिको कार्यसमिति बैठकले २०१८ फरवरीका ११ का दिन रक्तदान कार्यक्रम आयोजना गर्ने निर्णय गरिएको हो ।
संघका अध्यक्ष राजमनी भण्डारीको अध्यक्षतामा बसेको बैठकले रक्तदान गर्ने नेपालीहरुको अन्तिम नामावली १५ डिसेम्बर सम्ममा तयार पार्ने बताएको छ । साथै रक्तदान Acacia Mall kampala मा आयोजना गरिने छ । साथै सो अबसरमा रक्तदान गरी संघको पवित्र अभियानलाई सहयोग गर्न पनि युगाण्डाबासी नेपालीमा अनुरोध गरिएको संघका अध्यक्ष भण्डारीले संसारन्युजलाई जानकारी दिए ।

समितिका उपाध्यक्ष बिनोद थापा, महासचिव रमेश शर्मा, सचिव गंगालाल खरेल, कोषाध्यक्ष मन्जुल पाठक, प्रवक्ता कमलदत्त भट्ट, सल्लाहकार रमेश कंडेल, ईश्वरी वस्यालसहितको बैठकले समितिको बैंक खाता संचालन, रक्तदान कार्यक्रमको आयोजना, आर्थिक प्रतिवेदनमाथि छलफल तथा अन्य बैठकका निर्णयहरुका बारेमा छलफल तथा निर्णय गरेको थियो । साथै संघका कोषाध्यक्ष मन्जुल पाठकले प्रस्तुत गरेको आर्थिक प्रतिवेदन पनि बैठकले पारित गरेको थियो ।