हामी सबैकाे संसारन्यूज

काठमाडौं । नेपाली मोडल तथा अभिनेत्री उरुषा पाण्डे अन्तर्राष्ट्रिय स्तरमा नेपालको नाम चम्काउँदै गिनिज वर्ल्ड रेकर्ड बनाउने तयारीमा जुटेकी छिन्।

हाल अमेरिकामा अध्ययनरत पाण्डे Goshen College मा फिल्म र थियटर विषयमा अध्ययन गरिरहेकी छन्। उत्कृष्ट नतिजासहित उनले ‘Dean’s List’ मा स्थान बनाउन सफल भएकी छन्।

नेपालबाट म्युजिक भिडियोमार्फत करियर सुरु गरेकी उनी पछि मुम्बई पुगेर मोडलिङ तथा विज्ञापन क्षेत्रमा सक्रिय बनेकी थिइन्। विभिन्न पत्रिकाहरूमा कभर पाइसकेकी पाण्डेले अभिनयतर्फ पनि आफ्नो उपस्थिति मजबुत बनाएकी छन्।

उनले William Shakespeare का नाटकहरूमा अभिनय गरेकी छन् भने ‘Romeo and Juliet’ मा उनको भूमिका चर्चित रह्यो। साथै Arkansas State University मा अध्ययनका क्रममा ‘Grounded’ एकल नाटकमा उनले अभिनय गरेकी थिइन्। हाल ‘Poor Clare’ नाटकको तयारीमा रहेकी छन्।

अभिनयसँगै उनी निर्देशन र लेखनमा पनि सक्रिय छिन्। उनले ‘2 Faced’, ‘Price of Solitude’, ‘Who is She?’ जस्ता प्रोजेक्ट निर्देशन गरिसकेकी छन् भने ‘Erased: The Final Draft’ निर्माणाधीन छ।

सन् २०२६ मेदेखि उनले Guinness World Records अन्तर्गत विभिन्न चुनौतीहरू सुरु गर्ने योजना बनाएकी छन्। जसमा २४ घण्टामा ३०० मोनोलग, लामो एकल नाटक, भारतीय शैलीको नृत्य तथा सेल्फी च्यालेन्जमार्फत Akshay Kumar को रेकर्डलाई चुनौती दिने लक्ष्य रहेको छ।

उनले आफूलाई अन्तर्राष्ट्रिय मञ्चमा नेपालका प्रतिनिधिका रूपमा प्रस्तुत गर्न पाउँदा गर्व लागेको बताएकी छन्।