हामी सबैकाे संसारन्यूज

११ माघ, काठमाडौं । डिभिजन टू खेल्ने नेपाली टिमको घोषणा भएको छ । प्रशिक्षक जगत टमाटा तथा क्याप्टेन पारश शाहले डिभिजन टूमा खेल्ने नेपाली टोलीको छनोट गरेका हुन् ।

एभरेष्ट प्रिमियर लिगमा उत्कृष्ट प्रदर्शन गरेका युवा क्रिकेटर रोहितकुमार पौडेल र अनिलकुमार साह राष्ट्रिय टोलीमा पहिलो पटक स्थान बनाउन सफल भएका छन् ।

यू १९ का रोहित एभरेष्ट प्रिमियर लिगमा राम्रो प्रदर्शन गरेका उनी ‘मोस्ट भ्यालुएबल प्लेयर’ बनेका थिए । टोलीमा समावेश अन्य खेलाडीहरुमा ज्ञानेन्द्र मल्ल, शक्ति गौचन, बसन्त रेग्मी, शरद भेषावकर, सोमपाल कामी र आरिफ शेख समावेश छन् ।

यस्तै सन्दिप लामिछाने, दिपेन्द्र सिंह ऐरी र दीलिपनाथ र ललित भण्डारी पनि टोलीमा अटाएका छन् ।

सुनिल धमला, ललित नारायण राजवंशी, सिद्धान्त लोहनी र किशोर महतो वैकल्पिक खेलाडीको सुचीमा समावेश गरिएको छ ।

डिभिजन टू फेब्रुअरीमा नामिबियामा हुँदैछ । राउन्ड रोबिन अन्तर्गत सन्चालन हुने यस प्रतियोगितामा ६ देश समावेश छन् । राउन्ड रोबिनका आधारमा शीर्ष दुईमा पर्ने टोली आगामी विशवकपको छनोट खेल्न पाउने छन् ।