Logo
२५ श्रावण २०७९, बुधबार
     Wed Aug 10 2022
E-paper
  English Edition
   Unicode
Logo

काँग्रेस जिल्ला कोषाध्यक्षको सम्मेलन आगामी चैत ७ र ८ गते



१२ माघ, काठमाडौँ । नेपाली काँग्रेस जिल्ला कार्यसमितिका कोषाध्यक्षको दोस्रो राष्ट्रिय सम्मेलन आगामी चैत ७ र ८ गते नुवाकोटमा हुने भएको छ ।

काँग्र्रेस जिल्ला कोषाध्यक्षले यहाँ आज पत्रकार सम्मेलन गरी स्वर्गीय नेता गिरिजाप्रसाद कोइरालाको आठौँ स्मृति दिवसका अवसरमा दोस्रो राष्ट्रिय सम्मेलन नुवाकोटमा गर्न लागेको जानकारी दिइएको हो ।

काँग्रेस जिल्ला कोषाध्यक्ष सम्मेलनका संयोजक एवं काँग्रेस काठमाडौँका कोषाध्यक्ष गोविन्द पुडासैनीले ‘हामी बद्लिन्छौँ, काँग्रेस बदल्छौँ’ भन्ने मूल नाराका साथ सम्मेलन गर्न लागेको जानकारी दिए । “यो सम्मेलनले काँग्रेसलाई नवजीवन दिन महत्वपूर्ण भूमिका खेल्ने विश्वास लिएका छौँ”, उनले बताए ।

काँग्रेस जिल्ला कोषलाई सुदृढ, समृद्ध, पारदर्शी र जवाफदेही बनाउन सम्मेलनले महत्वपूर्ण भूमिका खेल्ने उनले बताए ।

जिल्ला कोषाध्यक्षका उपसंयोजक एवं धादिङका कोषाध्यक्ष बाबुकृष्ण सापकोटाले प्रथम राष्ट्रिय सम्मेलनबाट पारित भएका घोषणापत्रलाई अविलम्ब कार्यान्वयन गर्नका लागि दोस्रो सम्मेलनले दबाब दिने बताएका छन् ।

काँग्रेस जिल्ला कार्यसमितिका कोषाध्यक्षको पहिलो राष्ट्रिय सम्मेलन गत वर्ष पुुस ८ र ९ गते काठमाडौँमा भएको थियो ।


यो खबर पढेर तपाईलाई कस्तो महसुस भयो ?

काठमाडौं । सवारी चालक अनुमति पत्र (लाइसेन्स)को लागि लिइने परीक्षामा ७० अंक ल्याए पास

काठमाडौं । काठमाडौंको मुटु मानिने थापाथलीमा रहेको नर्भिक अस्पतालले एक रोपनी ८ आना १

नवलपुर– पढाईमा उत्कृष्ट हुन थालेपछि नवलपुरमा निजी छाडेर सरकारी विद्यालय रोज्ने बढ्न थालेका छन्