हामी सबैकाे संसारन्यूज

१८ चैत, विराटनगर। नेपाल–भारतका पत्रकारबीच सूचनाको आदानप्रदान, हकहितका लागि अन्तर्राष्ट्रिय प्रेस क्लब नेपाल च्याप्टरअन्र्तगत ‘इन्टरनेशनल प्रेस क्लब नेपाल च्याप्टर’ गठन भएको छ ।

नेपाल र भारतका पत्रकारको समन्वयमा उक्त क्लब गठन भएको हो । पत्रकार हिरालाल साहको अध्यक्षमा प्रदेश नं १ र २ पत्रकारलाई समेटेर १९ सदस्यीय समित गठन गरिएको आज यहाँ आयोजित पत्रकार सम्मेलनमा जानकारी दिइयो ।

प्रदेश नं १ र २ को उपाध्यक्षद्वयमा कौशल निरौला र गणेश ठाकुुर रहेका छन् भने महासचिवमा पदम सरदार, उपमहासचिवमा चन्दन रौनियार, सचिवमा प्रदेश नं १ र २ बाट क्रमशः नितेश चौधरी र अनिल बर्मा रहेका छन् । त्यसैगरी कोषाध्यक्षमा प्रदेश नं २ बाट पारसमणि ठाकुुर तथा प्रदेश नं १ बाट सहकोषाध्यक्षमा सुुुशीला पाठक रहेका छन् ।

सल्लाहकार समितिमा नेपाल पत्रकार महासंघ मोरङका अध्यक्ष बन्धु पोखरेल, महासंघका उपाध्यक्ष कुुमोद अधिकारी, नेपाल प्रेस युुनियन मोरङका अध्यक्ष मीनकुुमार नवोदित, मधेशी पत्रकार समाजका अध्यक्ष श्यामसुुन्दर सुुतिहार, सूर्यनारायण यादव र अनन्त अनुुराग रहेका छन् ।

क्लबले नेपाल, भारत, भुुटान तथा बंगलादेशलगायत सार्क राष्ट्रका पत्रकारलाई समेटेर समिति विस्तार गरिने इन्टरनेशनल क्लब भारतका अध्यक्ष रामानन्द सिंह रोशनले जानकारी गराए । नेपालमा सातै प्रदेशमा क्लब गठन गरिने जनाइएको छ ।