१९ असोज, दाङ । नुहाउन गएका एकजना बालकको बबई नदीमा डुबेर मृत्यु भएको छ । तुलसीपुर–१८ कचिला निवासी १० वर्षीय झगवीर केसीको बबईमा डुबेर मृत्यु भएको इलाका प्रहरी कार्यालय तुलसीपुरले जानकारी दिएको छ ।
घर नजिकैको नदीमा नुहाउन गएका बालकको शव मृत अवस्थामा मंगलबार बबई नदीमा फेला परेको प्रहरीले जनाएको छ । मृतक बालकको शव परीक्षणका लागि राप्ती अञ्चल अस्पताल तुलसीपुरमा राखिएको प्रहरीले जनाएको छ ।
