मस्को (रसिया) । रसियाली विदेशमन्त्री सर्गेइ लाभरोभले आफ्नो देश सिरिया द्वन्द्व अन्त्यका लागि फ्रान्सद्वारा प्रस्तुत गरिएको संयुक्त राष्ट्रसङ्घीय प्रतिबद्धता पत्रअनुसार काम गर्न तयार रहेको बिहीबार बताउनुभएको छ ।
लाभरोभले आफ्ना फ्रान्सेली समकक्षी जाँ मार्क आयरुल्टसँग गरेको संयुक्त पत्रकार सम्मेलनमा उक्त कुरा बताउनुभएको हो ।
फ्रान्सले हालैको संयुक्त राष्ट्रसङ्घ सुरक्षा परिषद्को बैठकमा प्रस्तुत गरेको प्रतिबद्धता पत्र सिरिया द्वन्द्व अन्त्यका लागि अमेरिका र रसियाको पहलमा युद्धबिरामका लागि गरिएको सहमतिसँग परस्पर विरोधी नभएको भन्दै यसअनुरूप काम गर्न रसिया इच्छुक रहेको लाभरोभले प्रष्ट पार्नुभयो । एएफपी
