हामी सबैकाे संसारन्यूज

दमास्कस (सिरिया) । टर्कीको सिमाना नजिकै अवस्थित सिरियाली भूमिमा बिहीबार भएको विष्फोटमा परी मृत्यु हुने अंकराको समर्थन प्राप्त सिरियाली विद्रोहीको सङ्ख्या ४० पुगेको पान अरब अल–मायादिन टेलिभिजनले जनाएको छ । घटनामा २० कम्तिमा जना विद्रोही घाइते भएका थिए ।

विष्फोट ‘फ्रि सिरियन आर्मी’ (एफएसए) को एक समूहलाई लक्षित गरी अताम्ब सीमा क्षेत्रमा गराइएको उक्त टेलिभिजनले बताएको छ । एफएसए टर्कीको सिमानामा सिरियाली भूमिमा पकड रहेको सिरियाली विद्रोही समूह हो ।

विष्फोटको इश्लामिक स्टेट (आइएस) समूहले जिम्मेवारी लिएको छ । आइएस आबद्ध सिरियाली उक्त समूहले आफ्नो लडाकूले कारमा राखिएको शक्तिशाली विष्फोटक पदार्थलाई एफएसएको आधार क्षेत्र उत्तरी सिरियाको अताम्बमा विष्फोट गराएको दाबी बिहीबार नै गरेको छ । अताम्ब सिरियाको उत्तरी प्रान्त इदलिबमा अवस्थित टर्की र सिरियाको सीमा क्षेत्र हो ।

आइएस समूहले आफूहरूले एक्त विष्फोट सिमानामा अवस्थित शरणार्थी शिविरलाई लक्षित गरी गराइएको बताइएको छ । अताम्बमा यही वर्षको अगस्टमा उक्त समूहद्वारा गराइएको एक विष्फोटमा ३५ जनाको ज्यान गएको थियो ।

यसअघि विष्फोटमा २० जना टर्कीद्वारा संरक्षण प्राप्त सिरियाली विद्रोहीको मृत्यु भएको भनी बेलायतस्थित सिरियाली मानव अधिकारवादी संस्थाले बताएको थियो । सिन्ह्वा