हामी सबैकाे संसारन्यूज

१७ भदौ, काठमाडौँ, । नेपाल राष्ट्र बैंकले १५ अर्ब ४ करोड १५ लाख बराबरको निक्षेप बैंक तथा वित्तीय क्षेत्रमा पठाउन सूचना जारी गरेको छ । ३६६ दिनका लागि मुद्दती निक्षेपमा राख्न बाणिज्य बैंक विकास बैंक र वित्तीय सस्थालाई सूचना जारी गर्दै प्रस्ताव पेश गर्न भनेको छ ।
बाणिज्य बैंकहरुलाई १२ अर्ब ३ करोड ३३ लाख, विकास बैंकलाई २ अर्ब ३ करोड ११ लाख र वित्त कम्पनीहरुलाई ७ करोड ७१ लाख रुपैयाँ मुद्दती निक्षेपमा ३६६ दिनसम्म राख्न पाउने छन् ।
असोज १ गते देखि २०७६ भदौ ३१ सम्म ३६६ दिनको मुद्दती निक्षेपमा त्रैमासिक रुपमा व्याज भुक्तानी हुनेगरी लगानी गर्नु पर्ने भएकोले राष्ट्र बैंकबाट इजाजतपत्र प्राप्त बैंक तथा वित्तीय संस्थालाई प्रस्ताव पेश गर्ने सूचना जारी गरेको हो ।

चाहेको रकम तथा उक्त रकमका लागि प्रस्ताव गरिएको ब्याजदर समेत खुलाई राष्ट्र बैंकले तोकेको शिलबन्दी दरभाउपत्र सम्बन्धी फाराम भरी भदौ १९ भित्र प्रस्ताव पेश गर्न भनेको छ ।