हामी सबैकाे संसारन्यूज

२ असोज, काठमाडौं । राष्ट्रिय गौरवको सिक्टा सिँचाइ आयोजनामा भएको अनियमितता बारे छानबिन गरिरहेको अख्तियार दुरुपयोग अनुसन्धान आयोगले सम्बद्ध कर्मचारीसँग बयान लिन सुरु गरेको छ । करिब १२ वर्ष लगाएर सिक्टाको हेडवक्र्स र मूल नहर निर्माण कार्य सकिए पनि अहिलेसम्म किसानको खेतमा पानी पुग्न सकेको छैन् । मूल नहर परीक्षणका क्रममा पटक पटक भत्किएपछि ठेकेदार र कर्मचारीको मिलेमतोमा गुणस्तरहीन निर्माण कार्य भएको आशंका गरिएको आजको नागरिक दैनिकमा समाचार छ ।
पछिल्लोपटक गत साउन ७ गते परीक्षणका क्रममा बाँकेको ढकेरीस्थित चंगाई नाला नजिकैको मूल नहर भत्किएको थियो । आयोजना सम्पन्न गर्ने लक्ष्या दिइएको समय नजिकिदै जाँदा मूल नहर काम नलाग्ने गरी भत्किएपछि बर्षौको पर्खाइमा बसेका किसानको आसामा तुषारापात भइरहेको छ ।