हामी सबैकाे संसारन्यूज

३ असोज, काठमाडौँ । अर्थमन्त्री डाक्टर युवराज खतिवडाले लगानी जुट्न नसकेका देशका ठूला विकास निर्माणका आयोजनामा लगानी जुटाउने काम भैरहेको जानकारी दिएका छन् ।
अर्थ मन्त्रालयमा आयोजित पत्रकार सम्मेलनमा बोल्दै मन्त्री खतिवडाले अर्थ मन्त्रालयले ठूला आयोजनाको लागि दातृ निकायबाट लगानी जुटाउन लागेको बताए ।
‘पूर्वपश्चिम राजमार्गका कुन–कुन ठाउँमा क–कसले लगानी गर्ने भए, रेलमार्गमा कस्ले लगानी गर्छ, ठूला जलविद्युत आयोजना र विमानस्थलमा कसले लगानी गर्दैछ भन्ने विषयमा म अर्को महिना बताउनेछु’, मन्त्री खतिवडाले भने, धेरै आयोजनामा कसले लगानी गर्ने भन्ने कुरा अन्तिम चरणमा पुगेको छ’ । यस्तै सरकारले बनाउन लागेका ६ सुरुङमार्ग निर्माणका लागि लगानी जुटिसकेको अर्थमन्त्रालयले जनाएको छ ।
प्हिचान भएका तर लगानी जुट्न नसकेका सबै ठूला आयोजनामा दातृ निकायसँगको सहयोग जुटाउने कुरा माथिल्लो चरणमा पुगिसकेको अर्थमन्त्रीको भनाई छ ।

सरकारको अहिलेको प्राथमिकता विदेशी सहायता र लगानी जुटाउनमा केन्द्रित रहेको मन्त्री खतिवडाको भनाई छ । यस्तै १ सय १ मेगावाट क्षमताको तामाकोशी पाँचौ परियोजनामा एसियाली विकास बैंकले १५ अर्ब लगानी गर्ने सहमति भईसकेको अर्थमन्त्रीले जानकारी दिए ।