हामी सबैकाे संसारन्यूज

पोर्तुगलमा रहेका नेपाली महिलाहरुले निर्मलाको न्यायको लागि आवाज उठाउँदै निधारमा कालो पट्टी बाँधेर तिज मनाएका छन् ।
बलात्कारपछि हत्या गरिएकी कन्चनपुरकी बालिका निर्मला पन्तको न्यायका लागि उनीहरुले हरितालिका तिजको अवसरमा निधारमा कालोपट्टी बाँधेर सांकेतिक विरोध जनाएका हुन् ।
नारी समाज पोर्चुगलको आयोजनामा लिस्बनस्थित मार्तिमुनिजको खुलापार्कमा आयोजित उक्त तिज कार्यक्रममा नेपालमा महिलामाथि भइरहेको हत्या हिंसा, बलात्कार, अपहरण तथा निर्मला पन्तको बलात्कारपछि हत्यालगायतका घटनाहरुलाई चर्चित लोकदोहोरी गायक मिलन लामा लगायतका कलाकारहले गीतमार्फत् उठान गरेका थिए ।

८३ वर्षीया बृद्धा अभिभावक मनरुपा कंडेलको प्रमुख आतिथ्यता, पोर्चुगलका लागि नेपाली पर्यटनदूत रमेश कुमार गुरुङ, एनआरएनए आइसीसी सदस्य नरेन्द्र हमाल, एनआरएनए पोर्चुगलका अध्यक्ष कुवेर कार्की लगायतको सहभागितामा सम्पन्न गरिएको उक्त कार्यक्रममा नारी समाजकी अध्यक्ष सीता बरालले निर्मलाको न्यायका लागि न्याय माग्दै यसपटकको तिज फरक ढंगले मनाएको बताइन् ।

 

https://sansarnews.com/archives/121760