Sansar News
अफ़्रिकि मुलुक सेशेल्समा गैरआवासीय नेपाली संघको ७९ औ एनसिसिको रुपमा एनसिसि गठन भएको छ ।
गत हप्ता १३ सेप्टेम्बरका दिन सम्पन्न नेपालीहरुको एक भेलाले रामप्रसाद पन्तको अध्यक्षतामा एनआरएनए सेसेल्सको गठन भएको एनआरएनए अफ्रिकाका क्षेत्रीय संयोजक सुनिल कार्कीले जानकारी गराएका छन् ।
अन्य पदाधिकारीहरुमा उपाध्यक्ष मनोज बि.क र किशोर कुमार महर्जन, महासचिव कम्मान सिंह खत्री, सचिब बिश्वजीत कार्की, कोषाध्यक्ष कोमल राज पान्डेय, सहकोषाध्यक्ष किरण अधिकारी, प्रबक्ता एकराज सुवेदी महिला संयोजक गोमा अधिकारी र युवा संयोजक राम चन्द्र राई रहेका छन्।
त्यसैगरि सदस्यहरुमा चेतमान कुवर, आइन्द्र लिम्बू र बिष्णु चयन भएका छन । संघका अन्तर्राष्ट्रिय समन्वय परिषद्का कोषाध्यक्ष हिक्मत थापाका अनुसार सेशेल्स अफ्रिका क्षेत्रको १७ औ राष्ट्रिय समन्वय परिषद् र गैरआवासीय नेपाली संघको ७९ औ राष्ट्रिय समन्वय परिषद बनेको छ ।
सेसेल्स, अफ्रिकाको सबै भन्दा बढी प्रति ब्याक्ति आय भएको र थोरै जनसंख्या भएको देश हो ।अफ्रिकाको पुर्बी तटमा अबस्थित टापुहरुको यो देश संसारकै प्रमुख पर्यटकियस्थल मध्ये एक हो । यहाँ पाँच सय भन्दा बढी नेपालीहरु होटेल र अन्य पर्यटन उद्योगमा कार्यरत छन् ।
वि.सं.२०७५ असोज ४ बिहीवार २०:०४ मा प्रकाशित
