हामी सबैकाे संसारन्यूज

११ असोज, ललितपुर । आफ्नै छोरीलाई बलात्कार गर्ने ललितपुरको चापागाउँका एक व्यक्तिलाई ललितपुर जिल्ला अदालतले २६ वर्षको कैद सजाय सुनाएको छ । न्यायाधीश अवनी मैनाली भट्टराईको इजलासले उनलाई यही असोज १ गते सजाय गर्ने फैसला सुनाएको हो । जिल्ला अदालतका स्रेस्तेदार चन्द्रप्रसाद तिवारीले फैसलाको पूर्ण पाठ एकरदुई दिनमा आउने बताए ।
बलात्कार गर्नेलाई नयाँ मुलुकी ऐनअनुसार जबर्जस्ती करणी ३ ९१० बमोजिम १५ वर्ष कैद सजाय तोकेको छ । पीडित र प्रतिवादी नाताले बाबुछोरी भएकाले हाडनाता करणीको महल १ बमोजिम थप १० वर्ष र गर्भपतनसमेत गरेकाले ज्यानसम्बन्धी महलको २८ ‘क’ बमोजिम थप एक वर्ष कैद गरी २६ वर्ष सजाय तोकिएको हो । पीडकबाट क्षतिपूर्ति भराउने पनि निर्णय भएको अदालतले जनाएको छ । कान्तिपुर दैनिकमा समाचार छ ।