हामी सबैकाे संसारन्यूज

२० असोज, काठमाडौँ । सामना परिवारले राष्ट्रिय नाचघरमा ‘सामना जनसङ्गीत अभियान’ प्रस्तुत गर्दैछ । अखिल नेपाल जनसांस्कृतिक महासङ्घको आयोजना हुन लागेको उक्त कार्यक्रम असोज २१ गते(आइतबार) हुने महासंघका महासचिव खेम थपलियाले प्रेस वक्तव्यमार्फत जानकारी गराएका छन् ।

महासंघ अन्तर्गतको केन्द्रीय सांस्कृतिक टोली ‘सामना परिवार’ ले सदाझैँ यस वर्ष पनि ‘सामना जनसङ्गीत अभियान’ देशैभर प्रस्तुत गरिरहेको वक्तव्यमा उल्लेख छ ।

जनताका दुःख–कष्ट, पीडा, चाहना, आकाङ्क्षा र सपनालाई गीत–सङ्गीत, नृत्य र नाटकद्वारा झल्काउने सामना परिवारका साथमा रामेश, रायन, जेवी टुहुरे, जीवन शर्मा, विद्रोही, लक्ष्मी गुरुङ, निर्मला घिसिङ, हेमराज आश्रमलगायत जनकलाकर्मीको शानदार प्रस्तुति रहने बताइएको छ । यो कार्यक्रम २३ गतेसम्म रहने पनि वक्तव्यमा जानकारी गराइएको छ ।
कार्यक्रम हुने मिति
मिति : असोज २१ गते, २०७५
स्थान : राष्ट्रिय नाचघर, जमल
समय : ३ बजे