Sansar News
२४ असोज, काठमाडौँ । आइसिसी टी–२० विश्वकप क्रिकेटअन्तर्गत एसिया छनोट प्रतियोगितामा नेपालले चीनलाई १० विकेटको फराकिलो अन्तरले पराजित गरेको छ ।
मलेसियाको बायुमास ओभलमा भएको खेलमा नेपालले चीनले दिएको २७ रनको लक्ष्य नेपालले १.५ ओभरमा विना पुरा गरेको हो । नेपालका लागि बिनोद भण्डारीले ८ बलमा नटआउट २४ रन जोडे । उनले ३ चौका र १ छक्का प्रहार गरे । अर्का ओपनर प्रदीप ऐरी ३ बल खेलेर ४ रनमा नटआउट रहे ।
टस हारेर पहिले ब्याटिङ गरेको चीन १३ ओभरमा २६ रनमा अलआउट भएकोे थियो । चीनका लागि ओपनर जियाङ हाङले सबैभन्दा बढी ११ रन जोडे ।
उनले २७ बलमा १ चौका प्रहार गरे। अन्य १० ब्याट्सम्यानले दोहोरो अंकमा रन बटुल्न सकेनन् । नेपालका लागि सन्दीप लामिछाने, बसन्त रेग्मी र ललितनारायण राजवंशीले ३÷३ विकेट लिए । सन्दीपले ४ ओभरमा १ मेडन राखेर ४ रन खर्चिए भने समान ओभर बलिङ गरेका बसन्तले पनि १ मेडन राख्दै ५ रन दिए । राजवंशीले ३ ओभरमा १ मेडन राख्दा १२ रन खर्चिए ।
नेपालले अब प्रतियोगिताको अन्तिम खेल शुक्रबार सिंगापुरसँग खेल्नेछ । प्रतियोगितामा नेपालले ५ खेलमा शतप्रतिशत जित निकाल्दै अंक तालिकाको शीर्ष स्थानमा रहेको छ ।
वि.सं.२०७५ असोज २४ बुधवार ०९:५५ मा प्रकाशित
