हामी सबैकाे संसारन्यूज

९ कात्तिक, काठमाडौं । चार एयरलाईन्स कम्पनीले सिन्डीकेट गरी सम्झौता अनुसार खाद्यान्न ढुवानी नगर्दा यसपटकको दसैंमा हुम्लीले चामलको अभाव खेप्नु परेको छ । दसैंमा खाद्यान्नको अभाव नहोस् भनेर खाद्य संस्थानले तारा, समिट, सीता र मकालु एयरलाईन्ससँग असोज १८ गते ढुवानीका लागि लिखित सहमति गरेको थियो । तर बढी कमाई हुने भएपछि एयरलाईन्सहरुले सँझौता अनुसार ढुवानी नगरी यात्रु ओर्सान लागेको संस्थानले जनाएको आजको कान्तिपुर दैनिकमा समाचार छ ।
सहमति अनुसार प्रत्येक एयरलाईन्सले २ सय ५० क्विन्टलका दरले दसैंअगाडि नै १ हजार क्विन्टल खाद्यान्न ढुवानी गर्नुपर्ने थियो । तर, उनीहरुले ३ सय ३५ क्विन्टलमात्र खाद्यान्न ढुवानी गरेका थिए ।