६ पुस, काठमाडौं । ग्णस्तरीय खाद्य तथा पेय वदार्थले कसैको मृत्यु भएमा क्षतिपूर्ति दिनुपर्ने भएको छ । मृतकले उपभोग गरेको खाद्य तथा पेयजन्य पदार्थको उत्पादक र आयातकर्ताबाट उसको परिवारलाई १० लाख क्षतिपूर्ति पाउने व्यवस्था गर्न लागिएको आजको अन्नपूर्णपोस्ट दैनिकमा समाचार छ ।
खाद्य, प्रविधि तथा गुण नियन्त्रण विभागले तयार पारेको खाद्य स्वछता तथा गुणस्तर ऐनमार्फत् नेपालमा पनि पहिलोपटक कानुनी रुपमै रकम किटेर क्षतिपूर्तिको व्यवस्था गर्न लागिएको हो । गुणस्तरहीन खाद्य र पेयजन्य पदार्थको सेवन गर्दा कसैको ज्यान गयो भने क्षतिपूर्ति उपलब्ध गराउने र पीडकलाई कानुनी दायरामा ल्याउने विषयमा हालै स्वीकृति भएको उपभोक्ता संरक्षण ऐन २०७५ मा पनि क्षतिपूर्तिको व्यवस्था छ । ऐनमा वस्तु वा सेवाको कारण उपभोक्तालाई शारीरिक, मानसिक, आर्थिक, भौतिक वा अन्य प्रकारका हानी नोक्सानी पुगेमा अदालत समक्ष क्षतिपूर्तिको दाबी गर्न सक्ने व्यवस्था गरिएको छ ।
वि.सं.२०७५ पुस ६ शुक्रवार ०७:५५ मा प्रकाशित