Sansar News
केशवप्रसाद ढकाल ’प्रीतबीज’
सिरान्चोक–७, उपल्लो गोहोरे, गोरखा
धरा धाम सारा ढलेको छ मेरो
हियोमा सुनामी चलेको छ मेरो
लडाएर घोप्टो छुरा धस्छु भन्छौ
तिमी माथि शङ्का जलेको छ मेरो
लगातार चर्काे खुराफात झेल्दा
मनोभाव औधी गलेको छ मेरो
छरेँ बीज मैले सुधा फल्छ भन्दै
त्यही वृक्षमा बिख फलेको छ मेरो
थियो प्रीत ऐना खस्यो त्यो अचानक
दशा दीप उज्जर बलेको छ मेरो ।
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ १२२ १२२ १२२
काफिया बन्धन : एको
रदिफ : छ मेरो
वि.सं.२०८१ वैशाख २२ शनिवार ०९:१९ मा प्रकाशित
