नेपाली बजारमा झण्डै एकलौटी समान निर्यात गर्ने गरेको भारतले गतवर्ष ६१ अर्ब अमेरिकी डलर (झण्डै ६१ खर्ब नेपाली रुपैयाँ) को सामान चीनबाट मात्रै आयात गरेको छ ।
भारतका योग गुरु रामदेव लगायतका भारतीय राष्ट्रवादीहरुले यतिबेला चीनको सामान बहिष्कार गर्ने अभियान चलाइरहेका बेला भारतले चीनबाट यति ठूलो रकमको सामान आयात गरेको तथ्यांक बाहिर आएको हो । जसमा भारतले जम्मा नौ अर्ब डलर ( ना९ खर्ब रुपैयाँ) को सामान चीन निर्यात गरेको तथ्यांक सहितको समाचार बिबिसीले लेखेको छ । ती सामानहरुमा गीफ्ट आइटम, टिवी, कम्प्युटर, फोन सेट लगायतका छन् ।
भारतमा यतिबेला चिनियाँ सामान बहिष्कार गर्ने अभियान चलेको भएपनि चीनले भारतका मन्दिर, मस्जिद, गुरुद्धार र आम भारतीयहरुको मन अनि घरमा स्थान बनाएको विज्ञहरुको भनाइ छ । जसमा एकातिर चीनलाई विरोध गर्नेको संख्या बढिरहेको छ भने अर्कोतिर माया गर्नेहरुको संख्या बढेको छ ।
दिल्लीका एक व्यवसायीको भनाई छ “चीनबाट आयात गरिएको गिफ्ट आइटम यसकारण लोकप्रिय छन् की ती सामानहरु सस्ता छन, राम्रा अनि सुन्दर छन । यतिबेला दिल्लीको सदर बजारहरु चीनका सामानहरुले भरिएका छन् । हरेक ग्राहकको मुखमा एउटै कुरा हुन्छ, केही नया पाइयो, केही सस्तो सामान आयो यात फेरि राम्रो सामान आयो ?”
विश्वमै आर्थिक रुपमा सर्बशक्तिमान देशको रुपमा उदाएको को चीनको समान बहिष्कार र उसलाई सवक सिकाउन यति सहज नभएको पनि भारतीय विज्ञहरुको भनाई छ । कीनकी चीनका सामान सबैभन्दा सस्तो हुन्छन् । अहिलेको अवस्थामा उसको हाराहारीमा पुग्न सक्ने कोही पनि नभएको पनि बताइन्छ ।
भारतको सबैभन्दा ठूलो कारोबारी सहयोगी रहेको चीनबाट अझै कति सामान भारतमा आयात हुन्छ भन्ने सहि तथ्यांक दिपावलीपछि थाहा हुने पनि बताइएको छ ।
स्मरण रहोस नेपालको कूल बैदेशिक व्यापारमध्ये दुई तिहाइ भारतसँग हुने गर्छ । गत वर्षमात्र भारतबाट कृषि, पशुपंक्षी, तथा अन्य उपभोग्य सामान लगायत झण्डै पाँच खर्ब २३ अर्ब रुपैयाँ बराबरको सामान नेपालमा आयात गरिएको थियो भने नेपालले ३९ अर्बको सामान निर्यात गरेको थियो ।
