हामी सबैकाे संसारन्यूज

काठमाडौँ . काठमाडौँ महानगरपालिकाले मेयर्स रिसर्च फेलोसिप २०८३ (Mayor’s Research Fellowship 2083) कार्यक्रमका लागि अनुसन्धान प्रस्ताव आह्वान गरेको छ।

महानगरपालिकाले शहरी विकासका विभिन्न आयामसँग सम्बन्धित नीतिगत अनुसन्धान (Policy Research) मार्फत प्रमाणमा आधारित नीति निर्माण गर्न तथा कार्यमूलक अनुसन्धान (Action-Oriented Research) मार्फत शहरी विकाससँग सम्बन्धित आयोजना पहिचान गर्न सहयोग पुर्‍याउने उद्देश्यले फेलोसिप कार्यक्रम सञ्चालन गर्न लागेको हो।

महानगरपालिकाले तोकिएको योग्यता पुगेका इच्छुक नेपाली अनुसन्धानकर्तालाई सूचना प्रकाशित भएको मितिले २१ दिनभित्र रीतपूर्वक अनुसन्धान प्रस्ताव पेश गर्न आह्वान गरेको छ।

फेलोसिपअन्तर्गत काठमाडौँ महानगरपालिकाको सर्वाङ्गीण विकाससँग सम्बन्धित विषयमा अनुसन्धान प्रस्ताव पेश गर्न सकिने जनाइएको छ।

अनुसन्धान प्रस्तावकहरूले विस्तृत विवरण, आवश्यक योग्यता, प्रस्ताव पेश गर्ने प्रक्रिया तथा अन्य सर्तका लागि काठमाडौँ महानगरपालिकाको वेबसाइटमा प्रकाशित सूचना तथा Call for Expression of Interest (EOI) हेर्न महानगरपालिकाले अनुरोध गरेको छ।