back

महानगरले विद्यालयको नाम र परिचयपत्र नेपाली भाषामै लेख्न लगाइने

वि.सं.२०७५ पुस २३ सोमवार

84 

shares
Global IME AD
NMB Bank Limited Long Ad Banner

२३ पुस, काठमाडौ । काठमाडौ महानगरपालिकाले संस्थागत विद्यालयको नाम र विद्यार्थीलाई उपलव्ध गराउने परिचयपत्र नेपाली भाषामै राख्न लगाउने भएको छ । महानगरका शिक्षा अधिकारी सीताराम कोइरालाले आगामी शैक्षिकसत्रदेखि यसलाई अनिवार्य बनाउन लागिएकोे बताए ।
“अङ्ग्रेजी भाषामा विद्यालय र विद्यार्थीको नाम हुँदा आफ्ना छोराछोरी कुन स्कूलमा पढ्छ र उनीहरुको नाम के हो भन्नेमा अभिभावकमा अन्योल देखियो”, उनले भने, “त्यसैले यस विषयमा अभिभावकलाई सहज गराउन यस्तो व्यवस्था गराउन लागिएको हो ।”

शिक्षा अधिकारी कोइरालाले विद्यालयले अङ्ग्रेजीमा पनि लेख्न वा नलेख्नका लागि भने स्वतन्त्र छाडिने जानकारी गराए । यसअघि सरकारले अङ्ग्रेजी नाम भएका कलेजका नाम नेपाली भाषा, मौलिक संस्कृति झल्कने खालको राख्न निर्देशन दिए पनि कलेजले उक्त निर्देशन अहिलेसम्म कार्यान्वयन गरेका छैनन् ।

महानगरभित्र ६४० वटा संस्थागत विद्यालय छन् । उनले शिक्षा समितिबाट निर्णय गरेपछि सोहीअनुसार नेपाली भाषालाई प्रभावकारी कार्यान्वयन गराउनका लागि निजी तथा तथा आवासीय विद्यालय अर्गनाइजेशन, नेपाल प्याब्सन र राष्ट्रिय निजी तथा आवासीय विद्यालय अर्गनाइजेशन, नेपाल एनप्याब्सन लाई निर्देशन दिइने जानकारी गराए ।

यस्तै महानगरले माघ महीनाभित्रमा सामुदायिक विद्यालयका शिक्षकलाई तलब उपलव्ध गराइने भएको छ । महानगरका शिक्षकले मङ्सिरयता तलब नपाएकाले शिक्षकको खातामा नै तलब जाने गरी काम भइरहेको बताए ।

“शिक्षकलाई उनीहरुको खातामा तलब खुवाउनका लागि हामी अहिले अन्तिम तयारीमा रहेका छौँ”,उनले भने, “अब माघ महीनासम्मको तलब उनीहरुको आफ्नै खातामा हालिन्छ ।” महानगरले यसअघि विद्यालयमा तलब पठाउने गरेको र त्यहीबाट शिक्षकले तलब खाने गर्दैआएका थिए ।

महानगरमा ९१ सामुदायिक विद्यालयमा एक हजार ८३० शिक्षक छन् । यस्तै महानगरले विद्यालयका शिक्षक, कर्मचारी तथा अभिभावकलाई कुनै वैदेशिक भ्रमण, तालीम, सभा, अवलोकन भ्रमण, खेलकूद, मैत्रीपूर्ण भ्रमण वा स्वदेशमा नै शैक्षिक भ्रमण वा यस्तै कुनै कार्यमा लैजादा शिक्षा विभागको पूर्वस्वीकृति अनिवार्य लिनुपर्ने व्यवस्था गर्नसमेत थालिएको शिक्षा अधिकारी कोइरालाले बताए ।

यसैगरी विद्यालयको आर्थिक पारदर्शितालाई प्रभावकारी बनाउन र विद्यालय भाडामा दिइ आम्दानी गर्ने विद्यालयलाई प्राप्त रकमको पादर्शिताका साथ उपलब्धिमूलक कार्य गर्नका लागि शिक्षा समितिमार्फत कार्यविधि तयार गर्न थालिएको छ ।

महानगरभित्रका विद्यालयले विद्यार्थीलाई बस्ने ठाउँ उपलव्ध नगराई भाडामा कोठा दिने गरेकाले कार्यविधि अपनाएर मात्र भाडा दिने व्यवस्था गर्न र कोठा भाडामा लगाएर टेन्टमा विद्यार्थी पढाउने गरेको पाइएमा प्रधानाध्यापकलाई कारवाहीसमेत गरिने जानकारी गराए ।

वि.सं.२०७५ पुस २३ सोमवार १४:०४ मा प्रकाशित

यी हुन् मन्त्रिपरिषद् बैठकका २५ निर्णय (सूचीसहित)

यी हुन् मन्त्रिपरिषद् बैठकका २५ निर्णय (सूचीसहित)

काठमाडौं । मन्त्रिपरिषद्को बैठकले विभिन्न २५ वटा विषयमा निर्णय गरेको...

गोरखाले चीरकालसम्म स्मरण गर्नेगरी काम गर्छुः प्रधानमन्त्री प्रचण्ड

गोरखाले चीरकालसम्म स्मरण गर्नेगरी काम गर्छुः प्रधानमन्त्री प्रचण्ड

काठमाडौँ । प्रधानमन्त्री पुष्पकमल दाहाल ‘प्रचण्ड’ले गोरखाले चीरकालसम्म स्मरण गर्नेगरी...

‘विश्वमा देखिएका जातीय तनाव र आतङ्कवादको सामाना शान्ति सैनिकले गर्नुपरेको छ’

‘विश्वमा देखिएका जातीय तनाव र आतङ्कवादको सामाना शान्ति सैनिकले गर्नुपरेको छ’

काठमाडौँ । प्रधानमन्त्री पुष्पकमल दाहाल ‘प्रचण्ड’ले वर्तमान विश्वमा देखिएका जातीय...

दोलखामा भूकम्पको धक्का

दोलखामा भूकम्पको धक्का

काठमाडौँ । दोलखाको हाटडाँडा केन्द्रविन्दु भएर भूकम्प गएको छ ।...

तनाव बढ्दै गएपछि विरगन्जमा अनिश्चितकालीन कर्फ्यु

तनाव बढ्दै गएपछि विरगन्जमा अनिश्चितकालीन कर्फ्यु

वीरगन्ज । वीरगन्जमा धार्मिक तनाव बढ्दै गएपछि अनिश्चितकालीन कर्फ्यु आदेश...

पोखराका कौसी हराभरा बनाउने मेहनती किसान, ‘कौसी क्विन’ बनिन् रानाभाट

पोखराका कौसी हराभरा बनाउने मेहनती किसान, ‘कौसी क्विन’ बनिन् रानाभाट

जमुना वर्षा शर्मा, पोखरा । पोखरा महानगरपालिका–६ वैदामकी भावना रानाभाट...