Logo
८ जेष्ठ २०७९, आईतवार
     Sun May 22 2022
E-paper
  English Edition
   Unicode
Logo

 नौ भाइ भित्रै धमिराको खोजी



२५ पुस, काठमाडौं । नेपालको राजनीतिक आन्दोलनमा नीति, विधि र पद्दति नभएको, पार्टीहरु गुट र उपगुटले थला परेको तथा सञ्चालन पद्दति हदैसम्मको स्वेच्छाचारी र अराजक भैरहेको स्थितिमा नेपालको प्रमुख राजनीतिक शक्ति नेपाल कम्युनिष्ट पार्टी नेकपाले आफ्नो नेताहरुलाई कडा आचारसंहितामा बाँधेको छ ।
मंसिरमा शुरु भै पौषमा सम्पन्न भएको स्थायी समितिको बैठकले निर्णय र योजना बनाउन नसकेको अवस्थामा विधानको प्रस्तावना पुनरावलोकन, स्थायी समितिका अधिकार र सचिवालयले गर्न सक्ने निर्णय सम्मलाई सीमा तोक्ने, पार्टीको राजनीतिक प्रतिवेदनलाई चुस्त बनाउने, पोलिटव्यूरो गठन गर्ने, केन्द्रीय सदस्यको कार्य विभाजन तथा जनवर्गिय संगठन एवं जिल्ला समितिहरुको गठन टुङ्ग्याउने जस्ता महत्वपूर्ण जिम्मेवारी सहित ९ सदस्यीय कार्यदल बनाएको थियो । राम बहादुर थापा ‘बादल’ विष्णु पौडेल, शंकर पोखरेल, वर्षमान पुन, योगेश भट्टराई, लेखराज भट्ट,बेदुराम भुसाल, सुरेन्द्र पाण्डे र रघुविर महासेठ रहेका छन् । कार्यदलमा रहेका मध्ये विष्णु पौडेल, शंकर पोखरेल र रघुबिर महासेठ ओली निकट, योगेश भट्टराई, सुरेन्द्र पाण्डे र वेदुराम भुसाल माधव निकट र राम बहादुर थापा, वर्षमान पुन र लेखराज भट्ट प्रचण्ड निकट मानिन्छन् ।
२ पटक अनौपचारीक र २ पटक औपचारिक बैठक बसेको सो कार्यदलले अरु धेरै काम गर्न नसकेपनि कडा आचारसंशिता बनाएर अघि बढेको बताइएको छ । ‘सूचना लिक हुनै नहुने र अनावस्यक भेटघाट गर्न नपाइने, मिडियासँग बोल्दै नबोल्ने र कुनै व्यक्तिको कमजोरी भएको महसुस भएमा नैतिकताका आधारमा कार्यदल छोड्नुपर्ने सम्मका आचारसंहिता बनाइएको समाचार सार्वजनिक भएका छन् ।
‘कसरी चल्ने र थाल्ने ?’ भन्ने विषयमै मेडियामा जान थालेपछि कार्यदलवीच चिसो र आशंका बढेको मात्र होइन, ९ जना भित्र को धमिरो पस्यो भनेर खोज्न थालिएको बताइएको छ ।
यद्यपी नेपाली राजनैतिक आन्दोलनको उग्र अराजकतामा यो प्रयास निकै महत्वको भनिएको छ ।


यो खबर पढेर तपाईलाई कस्तो महसुस भयो ?

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय

काठमाडौं । काठमाडौंको मेयरका लागि भएको निर्वाचनको मतगणना जारी छ । आइतबारसम्म एक लाख

काठमाडौं । २०७४ मा भएको स्थानीय तहको निर्वाचनमा मधेशमा माओवादी केन्द्र बलियो पार्टीको रुपमा

गण्डकी । स्थानीय तह निर्वाचन–२०७९ अन्तर्गत जारी मतगणनामा पोखरा महानगरपालिकाको प्रमुखमा सत्ता गठबन्धन र