हामी सबैकाे संसारन्यूज

२६ पुस, काठमाडौं । प्रधानमन्त्री केपी ओलीले नियुक्तिकै दिनदेखि मितव्ययी बन्न र भ्रष्टाचार नगर्न आफ्ना मन्त्रीहरुलाई झकझक्याइरहेका छन् । तर, १० महिने कार्यकालमा मन्त्रीहरुले जिल्ला भ्रमणम गरेको खर्च केलाउँदा कसैले पनि निर्देशन पालना गरेको देखिन्न ।
यो सरकारका २५ मन्त्रीले जिल्ला र विदेश भ्रमणको खर्चमा अघिल्लो शेरबहादुर देउवा नेतृत्वको ‘जम्बो मन्त्रिपरिषद्’ लाई पनि उछिनेका छन् । २०७४ फागुन पहिलो सातादेखि मंसिर सम्म जिल्ला भ्रमणमा राज्यको ढुकुटीबाट करिब साढे २ करोड रुपैयाँ सिध्याइसकेको छ । देउवा सरकारका ६४ मन्त्रीले करिब १ वर्षमा २ करोड ८८ लाख रुपैयाँ खर्चेका थिए । आजको कान्तिपुर दैनिकबाट