Sansar News
१५ फागुन, काठमाडौं । एयर डाइनेस्टीको विमान दुर्घटना हुँदा संस्कृति पर्यटन तथा नागरिक उड्ययन मन्त्री रविन्द्र अधिकारीसहित ७ जनाको निधन हुन पुगेको समाचार प्राप्त भएको छ ।
आज विहान काठमाडौँबाट ताप्लेजुङ पुगि पाथिभरा मन्दिरको दर्शन गरी फर्कने क्रममा उक्त एयर फुङलिङ नगरपालिकाको दाह्रेढुंगामा दुर्घटना भएको पुष्टि गृहमन्त्रालयले गरेको छ । नागरिक उड्डयन प्राधिकरणका अनुसार दुर्घटनामा सवार ७ जनाकै मृत्यु भएको छ ।
दुर्घटना परेको हेलिकप्टरमा पर्यटन मन्त्री अधिकारी, यति एयरलाइन्सका अध्यक्ष आङछिरिङ शेर्पा, प्रधानमन्त्रीका सरकारी स्वकीय सचिव युवराज दाहाल, विरेन्द्र प्रसाद श्रेष्ठ, अर्जुन कुमार घिमीरे,इन्जिनियर धुब्रदास भोछिभया र चालक प्रभाकर केसी सहित ७ जना रहेका थिए । उद्धार टोली घटनास्थलतर्फ गइरहेको छ ।
मन्त्री अधिकारी सवार हेलिकप्टर दुर्घटनापछि प्रधानमन्त्री केपी शर्मा ओलीले बालुवाटारमा आकस्मिक बैठक बोलाएका छन् ।
पर्यटनमन्त्री रविन्द्र अधिकारी चढेको हेलिकप्टर दुर्घटना (अपडेट)
वि.सं.२०७५ फागुन १५ बुधवार १५:२२ मा प्रकाशित
