हामी सबैकाे संसारन्यूज

२८ फागुन, काठमाडौं । मानविकी संकायको नेपालकै सबैभन्दा ठूलो कलेज  रत्नराज्य क्याम्पसको इ लाइब्रेरी बेकामे भएको छ ।
त्रिभुवन विश्वविद्यालयको पत्रकारिताको सेन्टर डिर्पाटमेन्ट रहेको आर–आर कलेजको इ लाइब्रेरी अस्तव्यस्त रहेको र कम्प्युटर नजोडिएको अवस्थामा रहेका छन् ।
२०५६ सालमा रामप्रसाद भट्टराईका पालामा खरिद भएका झण्डै १० वटा कम्प्युटर अहिले थन्क्याएर मात्र राखिएका छैनन्, पत्रकारिता पढाइ हुने कलेजमा कम्प्युटर नै चलाउन पाइदैन भन्ने नराम्रो सन्देश समेत गएको छ ।
इ लाइब्रेरीमा कम्युटर नजोडिएकोले विद्यार्थीहरुले कम्युटर नै चलाउन नपाएको एमए अर्थशास्त्र प्रथम सेमेस्टर पढिरहेका एक विद्यार्थीले गुनासो गरे ।

लाइब्रेरीमा कार्यरत कर्मचारीका अनुसार लाइब्रेरीमा प्रयाप्त जनशक्ति पनि नभएको र २० वर्ष अगाडि खरिद गरिएका कम्प्युटर पनि त्यसै थन्किएका छन् । यसमा प्रशासनले कुनै चासो देखाएको छैन ।
स्मरण रहोस् २०३६ सालदेखि नेकपा निकटको अनेरास्ववियुले स्ववियुमा बर्चस्व कायम गर्दै आएको र अहिले नेकपाकै सिफारीसमा निर्मला कुमारी सुवाल क्याम्पस प्रमुख भएर आएपनि क्याम्पसको मुहार अझै फेरिन सकेको छैन ।